​យកសំណាក​មនុស្ស​៤​នាក់ ក្រោយ​ជាប់​ពាក់ព័ន្ធ​ជា​មួយ​ស្ដ្រី​ស្លាប់​ ដោយសារ​ជំងឺ​កូវីដ​១៩ នៅ​សង្កាត់​ព្រែក​ឯង​

​​នៅវេលា​ម៉ោង​១១​ថ្ងៃត្រង់​ថ្ងៃ​ទី​៦​ ខែកក្កដា​នេះ​ ក្រុម​គ្រូពេទ្យ​នៃ​មន្ទីរ​ពេទ្យ​បង្អែក​ខណ្ឌ​ច្បារអំពៅ​ បាន​ចុះម​ក​យក​សំណាក​មនុស្ស​៤​នាក់​ នៅ​ចំណុច​ផ្ទះ​លេខ​១១៧​ភូមិ​តា​ព្រហ្ម សង្កាត់​ព្រែក​ឯង​ ខណ្ឌ​ច្បារអំពៅ ​រាជធានី​ភ្នំពេញ​ ក្រោយ​មាន​ស្ដ្រី​ម្នាក់​បាន​ស្លាប់​ដោយ​កូវីដ​១៩ កាល​ពី​ម្សិលមិញ។

​យោង​តាម​សេចក្តី​រាយការណ៍​ពី​សាលាសង្កាត់​ព្រែក​ឯង​ បាន​ឲ្យ​ដឹង​ថា​ មនុស្ស​៤​នាក់​ ដែល​ក្រុម​គ្រូពេទ្យ​នៃ​មន្ទីរ​ពេទ្យបង្អែក​ខណ្ឌ​ច្បារអំពៅ​ បាន​ចុះ​មក​យក​សំណាក​នេះ ​គឺ​ពាក់ព័ន្ធ​សព​ឈ្មោះ គ្រុយ អៀង ភេទ​ស្រី​ អាយុ​៤១​ឆ្នាំ ​ដែល​បាន​ស្លាប់​ដោយ​ជំងឺ​កូ​វីដ​១៩​ កាលពី​ម្សិលមិញ​ ដែល​មាន​អ្នក​ពាក់ព័ន្ធចំនួន​ទាំង​៤​នាក់ ​ស្រី​២​នាក់។ បន្ទាប់ពី​យក​សំណាក​ទៅ​ពិនិត្យ​រួចមក ក្រុមគ្រូពេទ្យ​បាន​ឲ្យ​អ្នក​ទាំង​៤​ ត្រូវ​ធ្វើ​ច​ត្តា​ឡី​ស​ក័​រយៈពេល​១៤​ថ្ងៃ​។ នេះ​ជា​ព័ត៌មាន​គួរ​ឲ្យ​ភ័យខ្លាច​ ដែល​នៅ​សង្កាត់​ព្រែក​ឯង​តែមួយ​ រក​ឃើញ​អ្នក​ស្លាប់​សុទ្ធតែ​ស្ត្រី​ ដែល​មាន​វ័យ២៩​ឆ្នាំ​ ៨៧​ឆ្នាំ​ ហើយ​លើក​នេះ ​អាយុ​៤១​ឆ្នាំ​៕​

អត្ថបទ៖ ន​រា​