ព័ត៌មានជាតិ
នៅវិទ្យាល័យវាលរេញ អ្នកគ្រូលោកគ្រូបង្រៀនសិស្សតាមអនឡាញផង ចុះទៅតាមដានសិស្សដល់ផ្ទះផង
ខេត្តព្រះសីហនុ៖ លោក ងៀម ស៊ីដារ៉ា នាយកវិទ្យាល័យ ហ៊ុន សែន វាលរេញបានមានប្រសាសន៏ថា បើទោះបីជាសាលារៀនបានផ្អាកការសិក្សាក្នុងសាលាក៏ដោយ ការសិក្សារៀនសូត្ររបស់សិស្ស និងការបង្រៀនរបស់លោកគ្រូ អ្នក គ្រូ នៅបន្តដដែលដោយការបង្រៀនតាមប្រព័ន្ធពីចម្ងាយ។ ក្រៅពីការបង្រៀនតាមប្រព័ន្ធអេឡិចត្រូនិក សាលាក៏ប្រើប្រាស់សន្លឹកកិច្ចការតាមបែបប្រពៃណី គឺការបែងចែកលោកគ្រូអ្នកគ្រូ ចុះទៅតាមភូមិ/ឃុំ/ស្រុក ដោយវេចខ្ចប់សន្លឹកកិច្ចការបញ្ជូនដល់សិស្សានុសិស្សដែលគ្មានស្មាតហ្វូន និងប្រមែប្រមូលសន្លឹកកិច្ចការពីសិស្សមកសាលារៀនវិញ។

លោក គួច ចំរើន អភិបាលនៃគណៈអភិបាល ខេត្តព្រះសីហនុ ខណៈចុះពិនិត្យមើលសកម្មភាពនៃការបង្រៀនសិស្សតាមប្រព័ន្ធ Online នៅសាលាវិទ្យាល័យ ហ៊ុន សែន វាលរេញ ស្រុកព្រៃនប់ ខេត្តព្រះសីហនុ នាព្រឹកថ្ងៃទី ០៦ កក្កដា ឆ្នាំ ២០២១ បានកោតសរសើរដល់លោកគ្រូអ្នកគ្រូ ដែលបានរៀបចំកម្មវិធីបង្រៀនងាយៗដើម្បីផ្តល់ឱកាសឲ្យសិស្សបានរៀនសូត្រក្នុងដំណាក់កាល ដែលសាលាមិនទាន់បានបើកដំណើរការឡើងវិញ។
ក្រៅពីការយកចិត្តទុកដាក់ពីការបង្រៀនពីលោកគ្រូអ្នកគ្រូ លោកអភិបាលខេត្តក៏បានជំរុញឲ្យអាណាព្យាបាល ត្រូវតាមដានការសិក្សារបស់កូនជាប់ជាប្រចាំ ទើបទទួលបានលទ្ធផលល្អ។


ជាមួយគ្នានេះលោកអភិបាលខេត្តក៏លើកពាក់ពន្ធ័លើការជំរុញគ្រប់មធ្យោបាយក្នុងការពង្រឹងធនធានយុវជនឲ្យបានខ្លាំងក្លា ដើម្បីសម្រេចនូវចក្ខុវិស័យរបស់ក្រសួងអប់រំក្នុងការផ្តល់ចំណេះដឹង ជំនាញប៉ិនប្រសប់ និងឥរយាបទថ្លៃថ្នូរសម្រាប់ការអភិវឌ្ឍជាតិ។
គួរបញ្ជាក់ថា នៅវិទ្យាល័យ ហ៊ុន សែន វាលរេញ បច្ចុប្បន្នមានលោកគ្រូអ្នកគ្រូ ៨៩នាក់ សិស្សសរុប ១៧៥១នាក់៕
អត្ថបទ៖ កោះពស់

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៧ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់