ព័ត៌មានជាតិ

ក្រុមគ្រូពេទ្យសម្រាលកូនជូនស្ត្រីវិជ្ជមានកូវីដម្នាក់ បានដោយជោគជ័យ

បានផុស

៤ years មុន

នៅ

ថ្ងៃពុធ ៧ កក្កដា ២០២១

ដោយ

ស្ត្រីម្នាក់ផ្ទុកជំងឺកូវីដ១៩ បានសម្រាលកូនស្រីដោយសុវត្ថិភាពទាំងម្តាយ និងកូនក្នុងមណ្ឌលព្យាបាលវិទ្យាល័យ ហ៊ុន សែន ភូមិថ្មី ស្ថិតនៅក្នុងសង្កាត់ឡាបានសៀក ក្រុងបានលុង ខេត្តរតគិរី។

បើតាមការអះអាងពីលោកវេជ្ជបណ្ឌិត ជា សុខចិន្តា ដែលប្រចាំការព្យាបាលនៅមណ្ឌលព្យាបាលខាងលើបានឲ្យដឹងថា ស្ត្រីដែលឆ្លងទន្លេបានជោកជ័យនោះ បានយកសំណាកទៅពិនិត្យហើយរកឃើញវិជ្ជមានកូវីដ១៩ យកមកសម្រាកព្យាបាលនៅមណ្ឌលព្យាបាលវិទ្យាល័យ ហ៊ុន សែន ភូមិថ្មី តាំងពីថ្ងៃទី១ ខែកក្ដដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិតបន្តថា ស្ត្រីដែលក្រុមគ្រូពេទ្យជួយសម្រាលកូនដោយជោកជ័យមានឈ្មោះ យ៉ែម មិថុនា មានទីលំនៅ ភូមិទេសអន្លុង សង្កាត់បឹងកន្សែង ក្រុងបានលុង ហើយបានមកសម្រាលនៅវេលាម៉ោង៦និង៣០នាទីល្ងាចថ្ងៃទី៦ ខែកក្កដា ឆ្នាំ២០២១។

បច្ចុប្បន្នទាំងម្តាយនិងកូនត្រូវបានមើលថែទាំយ៉ាងយកចិត្តទុកដាក់ពីក្រុមគ្រូពេទ្យប្រចាំការ។

ប្រជាពលរដ្ឋក្នុងខេត្តរតនគិរីក៏ដូចជាក្រុមគ្រួសារ អ្នកជំងឺ បានសម្ដែងការគោរពកោតសរសើរ ចំពោះការតាំងចិត្ត ភាពអង់អាច ក្លាហានរបស់ក្រុមគ្រូពេទ្យជួរមុខបានលះបង់ទាំងផ្លូវកាយផ្លូវចិត្ត ក្នុងការបម្រើសេវា សុខភាព និងសង្គ្រោះប្រជាពលរដ្ឋក្នុងពេលមានជំងឺកូវីដ១៩៕

អត្ថបទ ៖ វុទ្ធឦសាន