ព័ត៌មានជាតិ

ម្ចាស់តោស្នើបងប្អូនដែលទៅលេង«ហ៊ីម៉ា»ត្រឹមមើល និងថតបានហើយ កុំលេងស្និទ្ធស្នាលពេក

បានផុស

៤ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

ដោយសង្កេតឃើញមានបងប្អូនមួយចំនួននាំគ្នាចូលទៅមើលសត្វតោឈ្មោះ«ហ៊ីម៉ា»នៅក្នុងផ្ទះវីឡារបស់បុរសជនជាតិចិនឈ្មោះTOMMU ដែលត្រូវជាម្ចាស់នោះ ក៏មានការអំពាវកុំឲ្យលេងស្និតស្នាលពេក ចៀសវាងកើតមានបញ្ហាផ្សេងៗដែលមើលមិនឃើញ។

នៅលើគណនីហ្វេសប៊ុកឈ្មោះ «Qi Xiao» ដែលត្រូវបានគេស្គាល់ថា ជារបស់លោកTOM MU បានលើកឡើងថា រយ:ពេល២ថ្ងៃនេះ មានបងប្អូនជាច្រើនបានមកលេង ហ៊ីម៉ា ។ ប៉ុន្តែខ្ញុំសង្ឃឹមថា បងប្អូននៅតែបន្តការពារ និងអនុវត្តវិធានការ៣ការពារ៣កុំ អោយបានភ្ជាប់ជានិច្ច ចៀសវាងជំងឺនេះរីករាលដាល់កាន់តែខ្លាំងធ្វើអោយថ្នាក់ដឹកនាំពិបាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនិយាយបន្តថា ហើយសង្ឃឹមថា ពេលដែលបងប្អូនមកលេង ហ៊ីម៉ា ត្រឹមមើលនិងថតបានហើយ កុំលេងស្និតស្នាលពេក ចៀសវាងការពារខ្លាចមនុស្សច្រើនធ្វើអោយវាភ័យ អាចមានបញ្ហាផ្សេងៗដែលយើងមើលមិនឃើញកើតឡើង។

ការអំពាវនាវរបស់បុរសជនជាតិចិនដែលជាម្ចាស់សត្វតោឈ្មោល«ហ៊ីម៉ា»ខាងលើនេះ គឺបន្ទាប់ពីមានបងប្អូនប្រជាពលរដ្ឋខ្មែរមួយចំនួនបាននាំគ្នាចូលទៅមើលសត្វតោក្នុងផ្ទះវីឡារបស់ខ្លួន ស្ថិតនៅផ្ទះលេខ២២ផ្លូវ៣០៦ ភូមិ៧សង្កាត់បឹងកេងកង១ ខណ្ឌបឹងកេងកង ។

សូមបញ្ជាប់ថា ក្រោយក្តាប់បានរឿងសត្វតោ សម្តេចតេជោ ហ៊ុន សែន នាយករដ្ឋមន្ត្រីកាលពីថ្មីៗនេះសម្រេចឲ្យបុរសជនជាតិចិនអាចយកសត្វតោឈ្មោលមកចិញ្ចឹមនៅផ្ទះវិញ។ ជាមួយនឹងការអនុញ្ញាត ជា ករណីពិសេសនេះ សម្តេចតេជោ ក៏បានណែនាំឲ្យម្ចាស់ធ្វើទ្រុងឲ្យបានត្រឹមត្រូវ ដើម្បីធានាសុវត្ថិភាពទាំងមនុស្សក្នុងផ្ទះ និងអ្នករស់នៅជិតខាងផងដែរ ៕

អត្ថបទ ៖ ចាន់រ៉ា