ព័ត៌មានជាតិ

អាជីវករ២៣នាក់ ក្នុងចំណោម២១០នាក់ វិជ្ជមានកូវីដ១៩ អាជ្ញាធរសម្រេចបិទផ្លូវមុខផ្សារ និងក្នុងបរិវេណផ្សារឆ្នាំង

បានផុស

៤ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

បន្ទាប់ពីរកឃើញអាជីវករលក់មាសក្នុងផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ម្នាក់វិជ្ជមានកូវីដ១៩ កាលពីរសៀលថ្ងៃទី៧ម្សិលមិញ នៅព្រឹកថ្ងៃទី៨ ខែកក្កដា ឆ្នាំ២០២១ ក្រុមគ្រូពេទ្យខេត្តបានចុះយកសំណាកលើអាជីវករក្នុងផ្សារឆ្នាំង គឺលទ្ធផលបណ្ដោះអាសន្ន រយៈពេលមួយព្រឹកនេះ រកឃើញអ្នកវិជ្ជមានជាង២៣នាក់ ក្នុងចំណោម២១០នាក់ ដែលតួលេខនេះបញ្ជាក់ថា ជាពលរដ្ឋនៅក្នុងក្រុងកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការចុះយកសំណាកលើអាជីវករផ្សារឆ្នាំងនេះ គេសង្កេតឃើញ វត្តមាន ឯកឧត្តម ស៊ុន សុវណ្ណារិទ្ធិ អភិបាលខេត្ត និង លោកជំទាវ ប៊ន សុភី អភិបាលរងខេត្តកំពង់ឆ្នាំង ក៏បានអញ្ជើញចូលរួមពិនិត្យមើលសកម្មភាពនេះផងដែរ។

ក្រុមគ្រូពេទ្យអ្នកយកសំណាក បានឲ្យដឹងថាជាលទ្ធផលបណ្ដោះអាសន្នតាមការធ្វើតេស្តរហ័ស រយៈពេលមួយព្រឹកថ្ងៃទី៨នេះ លើអាជីវករផ្សារឆ្នាំង ចំនួន២១០នាក់ ឃើញវិជ្ជមា កូវីដ១៩ ចំនួន ២៣នាក់ ហើយអាជីវករវិជ្ជមានកូវីដ១៩ទាំងនោះ ត្រូវបានបញ្ជូនទៅសម្រាកព្យាបាលនៅមណ្ឌលព្យាបាល ស្រុកបរិបូណ៌។ ដោយឡែកនៅរសៀលថ្ងៃទី៨ ខែកក្កដានេះដែរ ក្រុមគ្រូពេទ្យថា នឹងបោះទីតាំងនៅសួនច្បារកង្រី មុខមន្ទីរសុខាភិបាលខេត្តកំពង់ឆ្នាំង ដើម្បីយកសំណាក លើអាជីវករ ដែលនៅសេសសល់ និងអ្នកពាក់ព័ន្ធទាំងអស់ ដែលសង្ស័យថា អាចឆ្លងកូវីដ១៩ ក៏អាចយកសំណាក់នៅសួនច្បារនាងកង្រីបានដែរ។

ជាមួយគ្នានេះដែរ ក្នុងផ្សារឆ្នាំង ត្រូវបានរដ្ឋបាលសាលាខេត្តកំពង់ឆ្នាំង ចេញលិខិតជូនដំណឹងស្ដីពីការបិទជាបណ្ដោះអាសន្ន ក្នុងបរិវេណផ្សារឆ្នាំង និងផ្លូវមុខផ្សារឆ្នាំង ចាប់ពីចំណុចផ្លូវលេខ ៤០ទំនប់បារាំងរហូតដល់ កាច់ជ្រុងរបងវត្តយាយទេពផងដែរ ៕