ព័ត៌មានជាតិ

អូស្ត្រាលីសរសើរនិស្សិតកម្ពុជាចំនួន៣រូប ដែលបានចូលរួមនៅប្រទេសរបស់ខ្លួន

បានផុស

៤ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

អតីតនិស្សិតកម្ពុជា នៅសាកលវិទ្យាល័យនៃប្រទេសអូស្ត្រាលី ត្រូវបានទទួលស្គាល់ចំពោះសមិទ្ធផល ដែលលេចធ្លោរបស់ពួកគេ នេះបើតាមការបញ្ជាក់ពីស្ថានទូតអូស្ត្រាលីប្រចាំកម្ពុជា ជាមួយគ្នានោះស្ថានទូត ក៏បានអបអរចំពោះសមិទ្ធផល របស់អតីតនិស្សិតកម្ពុជាទាំងនោះផងដែរ ដែលបានបន្តចូលរួមចំណែកដល់សហគមន៍ បន្ទាប់ពីពួកគេបានចំណាយពេលនៅប្រទេសអូស្ត្រាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមស្ថានទូតអូស្ត្រាលី លោកស្រី បណ្ឌិត អេង នេត្រា បានឈ្នះពានរង្វាន់អតីតនិស្សិតឆ្នើមប្រចាំឆ្នាំ២០២០ សម្រាប់ការចូលរួមចំណែកគួរឲ្យកត់សំគាល់ របស់លោកស្រី នៅក្នុងការស្រាវជ្រាវគោលនយោបាយ ជាពិសេសលើផ្នែកអភិបាលកិច្ច និងវិមជ្ឈការ។ លោកស្រីជានិស្សិតបញ្ចប់ការសិក្សានៅសាកលវិទ្យាល័យ Monash (Monash University) ថ្នាក់បណ្ឌិតផ្នែកវិទ្យាសាស្ត្រនយោបាយ ហើយរហូតមកដល់សព្វថ្ងៃ លោកស្រីបានសហការយ៉ាងសកម្ម ជាមួយសហគមន៍ ស្រាវជ្រាវគោលនយោបាយនៅប្រទេសអូស្ត្រាលី។

ចំណែកលោក អាំង ឈានតុង បានទទួលពានរង្វាន់ភាពជាអ្នកដឹកនាំក្នុងសហគមន៍ សម្រាប់ការងារឆ្នើមរបស់លោកក្នុងការគាំទ្រដល់សហគមន៍ ដែលងាយរងគ្រោះបំផុតនៅក្នុងប្រទេសកម្ពុជា។ គាត់បានប្រើការសិក្សាអនុបណ្ឌិតផ្នែកអប់រំរបស់គាត់ ពីសកលវិទ្យាល័យ Adelaide (The University of Adelaide) ដើម្បីបង្កើតអត្ថប្រយោជន៍ដែលគួរឳ្យកត់ សម្គាល់ នៅក្នុងសហគមន៍ ដែលគាត់ធ្វើការជាមួយ។

ដោយឡែកអ្នកនាង សៅ សិរីសុទ្ធា ទទួលបានពានរង្វាន់ភាពជាអ្នកដឹកនាំវ័យក្មេង សម្រាប់ការតាំងចិត្ត និងការចូលរួមរបស់នាង បន្ទាប់ពីបានបញ្ចប់ការសិក្សាថ្នាក់ អនុបណ្ឌិតផ្នែកពាណិជ្ជកម្មស្បៀងអាហារនិងកសិកម្មសកល ពីសកលវិទ្យាល័យ Adelaide។

ស្ថានទូតបញ្ជាក់ថា ក្រៅពីការគាំទ្រ និងប្រមូលផ្តុំអតីតនិស្សិតដទៃទៀត អ្នកនាង សៅ សិរីសុទ្ធា ក៏ជាស្ថាបនិកអាជីវកម្មចាប់ផ្តើមផងដែរ ព្រមទាំងរក្សាទំនាក់ ទំនងយ៉ាងសកម្មជាមួយបណ្តាញទាក់ទងនៅអូស្ត្រាលី៕

ដោយ ៖ កោះកែវ