តារាចម្រៀង ណុប បាយ៉ារិទ្ធ ប្រើ​ឧបករណ៍​តេស្ត​រហ័ស រក​កូវីដ​-​១៩

ភ្នំពេញ៖ តារាចម្រៀងលោក ណុប បាយ៉ារិទ្ធ បានប្រើប្រាស់​ឧបករណ៍​រហ័សធ្វើតេស្តរកជំងឺ​កូវីដ-១៩ បន្ទាប់ពីបានជាសះស្បើយមួយរយ:កាលកន្លងមកនេះ។

ថ្លែងសារភ្ជាប់រូបភាពឧបករណ៍នៃការធ្វើតេស្តរហ័យរយ:ពេល១៥នាទី លទ្ធផល​បញ្ជាក់ថ​ាតារាចម្រៀង​រូប​នេះ​ពុំមានវិជ្ជមានកូវីដ-១៩ឡើយ ពោលគឺសុខភាពបានល្អប្រសើរជាធម្មតា។

ក្រោយ​ធ្លាប់​​ឆ្លងកាត់​ការព្យាបាល​ជំងឺ​កូវីដ១៩ តារាចម្រៀង​ប្រចាំ​ផលិតកម្មហង្សមាសរូប​នេះ​តែងតែ​ប្រុង​ប្រយ័ត្ន​និង​តាមដាន​ពី​សុខភាពខ្លួនឯងជាប្រចាំ រួមទាំងតែងតែ​ក្រើន​រំលឹក​មនុស្សជុំវិញ​អនុវត្ត ៣ កុំ ៣ការពារដើម្បី​ទប់ស្កាត់ការ​ឆ្លង​រាលដាល​ជំងឺ​នេះ។

គេចាំថាតារាចម្រៀងហង្សមាសលោកណុប បាយ៉ារិទ្ធបានជាសះស្បើយពីជំងឺកូវីដ-១៩ បន្ទាប់ពីសម្រាកនៅមន្ទីពេទ្យមួយសន្ទុះធំនិងត្រូវអនុញ្ញាតិឲ្យវិល ត្រឡប់មកផ្ទះវិញដែលគិតមកទល់ពេលនេះមានរយ:ពេលជិត៣ខែទៅហើយ៕

អត្ថបទ៖ ចាន់រ៉ា