ព័ត៌មានជាតិ

ប្រមុខរាជរដ្ឋាភិបាល ប្រាប់ឲ្យអ្នកពាក់ព័ន្ធទាំងអស់ខិតខំទប់ស្កាត់ជំងឺកូវីដ-១៩ ប្រភេទ Delta កុំឲ្យចូលសហគមន៍

បានផុស

៣ years មុន

នៅ

ថ្ងៃសុក្រ ៩ កក្កដា ២០២១

ដោយ

នៅក្នុងសារជាសំឡេងមួយ ដែលទំនងជាសម្តេចអគ្គមហាសេនាបតីតេជោ ហ៊ុន សែន មានប្រសាសន៍នៅក្នុងកិច្ចប្រជុំគណៈរដ្ឋមន្ត្រី កាលពីព្រឹកថ្ងៃសុក្រ ទី៩ ខែកក្កដា តាមប្រព័ន្ធ Zoom ហើយដែលត្រូវបានផ្សព្វផ្សាយតាមបណ្តាញតេឡេក្រាម សម្តេចបានប្រាប់ឲ្យអ្នកពាក់ព័ន្ធទាំងអស់ខិតខំទប់ស្កាត់ជំងឺកូវីដ-១៩ ប្រភេទ Delta កុំឲ្យចូលសហគមន៍ ប្រសិនបើចូលសហគមន៏ មហន្តរាយ នឹងកើតនៅក្នុងប្រទេសយើងហើយ។

សម្តេចតេជោ ហ៊ុន សែន បានលើកឡើងថា “អាល់ហ្វា វាបានចូលមកហើយ ដែលកំពុងឆ្លងរាល់ថ្ងៃ ប៉ុន្តែបើដែលតា (Delta) ឆ្លងចូលក្នុងសហគមន៍ទៀត មហន្តរាយពិតជាកើតនៅក្នុងប្រទេសរបស់យើង”។

បើតាមសម្តេចតេជោ ហ៊ុន សែន លើកនេះ ខុសពីលើកមុន ពលករមកពីថៃ លើកមុន ១០០០នាក់ រកឃើញកូវីដមានត្រឹមតែ២០ ឬ៣០នាក់ប៉ុណ្ណោះ ប៉ុន្តែឥឡូវនេះ មក៣០០នាក់ រកឃើញកូវីដឡើងជាង១០០នាក់។ មក៥០០នាក់ រកឃើញឡើងជិត២០០នាក់ ហើយប្រមូលផ្តុំទៅលើខេត្តបន្ទាយមានជ័យ និងឧត្តរមានជ័យ។ សម្តេចបញ្ជាក់ថា ការរកឃើញ Delta គឺនៅក្នុងការនាំចូលទាំងអស់ មិនទាន់ចូលនៅសហគមន៍ទេ ដូច្នេះត្រូវខិតខំទប់ឲ្យបាន៕

ដោយ ៖ កោះកែវ