ព័ត៌មានជាតិ

ខេត្តព្រៃវែងមានអ្នកឆ្លងជំងឺកូវីដជាង១០០នាក់ ត្រឹមរយៈពេល២៤ម៉ោង

បានផុស

៤ years មុន

នៅ

ថ្ងៃចន្ទ ១២ កក្កដា ២០២១

ដោយ

ត្រឹមរយៈពេល២៤ម៉ោង ខេត្តព្រៃវែងមានអ្នកឆ្លងជំងឺកូវីដ-១៩ កាន់តែច្រើនលើសពី១០០នាក់ ដែលចំនួនតួលេខនេះ ធ្វើឲ្យខេត្តមានឆ្លងជំងឺកូវីដ-១៩ សរុបកើនឡើងដល់ជាង២៣០០នាក់។

នៅថ្ងៃទី១១ ខែកក្កដា ឆ្នាំ២០២១ នេះ រដ្ឋបាលខេត្តព្រៃវែង បានរកឃើញករណីវិជ្ជមានកូវីដ-១៩ ចំនួន១៣០នាក់ តាមរយៈការធ្វើតេស្តរហ័ស (Rapid Test) នៅមូលដ្ឋានក្នុងក្រុង/ស្រុកចំនួន១៣ មកពីខេត្តកណ្តាល ៣នាក់ និងមកពីខេត្តស្វាយរៀង ៥នាក់ ។

ក្រុងស្រុកដែលរកឃើញអ្នកវិជ្ជមានកូវីដទាំងនេះរួមមាន៖ ១- ក្រុងព្រៃវែង ចំនួន៤នាក់។ ២- ស្រុកពាមរក៍ ចំនួន៣៣នាក់។ ៣-ស្រុកកំចាយមារ ចំនួន២៩នាក់។ ៤- ស្រុកស្វាយអន្ទរ ចំនួន១៤នាក់។ ៥- ស្រុកមេសាង ចំនួន ១២នាក់។៦- ស្រុកបាភ្នំ ចំនួន៧នាក់។ ៧- ស្រុកពារាំង ចំនួន៥នាក់។ ៨- ស្រុកព្រះសេ្ដច ចំនួន៤នាក់។៩- ស្រុកពោធិ៍រៀង ចំនួន៤នាក់។១០-ស្រុកកញ្ច្រៀច ចំនួន ៤នាក់។ ១១-ស្រុកស៊ីធរកណ្តាល ចំនួន ២នាក់។ ១២-ស្រុកពាមជរ ចំនួន២នាក់។ ១៣-ស្រុកកំពង់ត្របែក ចំនួន ២នាក់។ ១៤-មកពីខេត្តកណ្តាល ចំនួន៣នាក់ ១៥-មកពីខេត្តស្វាយរៀង ចំនួន៥នាក់។

ក្រុមគ្រូពេទ្យបានបញ្ជូនអ្នកវិជ្ជមានជំងឺកូវីដ-១៩ ទាំង១៣០នាក់ខាងលើឲ្យសម្រាកព្យាបាលនៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុករបស់ពួកគេនីមួយៗ។

សូមបញ្ជាក់ថា គិតត្រឹមថ្ងៃទី១១ ខែកក្ដដា ឆ្នាំ២០២១ នេះ ខេត្តព្រៃវែងមានអ្នកឆ្លងជំងឺកូវីដ-១៩ សរុប២,៣០១ ព្យាបាលជាសះស្បើយចំនួន១,៣៩០នាក់ កំពុងសម្រាកព្យាបាលចំនួន៨៧៤នាក់ និងស្លាប់៣៧នាក់៕

អត្ថបទ ៖ សុខុម