ព័ត៌មានជាតិ

អាជ្ញាធរខណ្ឌដូនពេញបន្តចុះប្រមូលជនអនាថាតាមស្តុប និងស្ត្រីរកស៊ីផ្លូវភេទ

បានផុស

៤ years មុន

នៅ

ថ្ងៃចន្ទ ១២ កក្កដា ២០២១

ដោយ

ដើម្បីរក្សាសន្តិសុខសណ្តាប់ធ្នាប់របៀបរៀបរយសាធារណៈឲ្យបានល្អនៅក្នុងមូលដ្ឋានរបស់ខ្លួននោះ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានដឹកនាំកម្លាំងសណ្ដាប់ធ្នាប់ខណ្ឌ សហការជាមួយមន្ទីរសង្គមកិច្ចរាជធានីភ្នំពេញ កម្លាំងអធិការនគរបាលខណ្ឌ កងរាជអាវុធហត្ថខណ្ឌ ចុះរៀបចំសណ្ដាប់ធ្នាប់តាមដងសាធារណៈ និងប្រមូលជនអនាថា ស្ត្រីរកស៊ីផ្លូវភេទ ក្មេងញៀនថ្នាំ អ្នកសុំទានតាមភ្លើងស្តុប ដែលបង្កភាពអនាធិបតេយ្យ ហើយបង្កភាពអសន្តិសុខសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការណ៍នោះធ្វើឡើងកាលពីល្ងាចថ្ងៃទី១១ ខែកក្ដដា ឆ្នាំ២០២១ ជាលទ្ធផលទី១.ប្រមូលជនអនាថា ស្ត្រីរកស៊ីផ្លូវភេទ ក្មេងញៀនថ្នាំ អ្នកសុំទានតាមស្តប់ បានសរុប៥៣នាក់ និងបានយកសំណាករកជំងឺកូវិ១៩ រួមហើយធ្វើចត្តាឡេស័ក ជនអនាថាទាំងអស់នោះរយៈពេល១៤ ថ្ងៃ ទើបបញ្ជូនទៅមន្ទីសង្គមកិច្ចរាជធានីភ្នំពេញដើម្បីអនុវត្តនិតិវិធីបន្ត។ ទី២ ឃាត់រថយន្ត ម៉ូតូកងបី ម៉ូតូ រថយន្តធុនធំ បានសរុបចំនួន១៩ គ្រឿង យកមករក្សាទុកនៅរដ្ឋបាលជាបណ្ដោះអាសន្នដើម្បីធ្វើការអប់រំតាមនិតិវិធីច្បាប់៕

អត្ថបទ ៖ រស្មី