ព័ត៌មានជាតិ

តាមព័ត៌មាន អ្នកជំងឺកូវីដព្យាបាលនៅផ្ទះជាង ២០០ នាក់ បានជាសះស្បើយ

បានផុស

៤ years មុន

នៅ

ថ្ងៃចន្ទ ១២ កក្កដា ២០២១

ដោយ

លោក ងី មានហេង ប្រធានមន្ទីរសុខាភិបាលរាជធានីភ្នំពេញបានឲ្យដឹងក្នុងសន្និសីទនៅព្រឹកនេះថា គិតត្រឹមព្រឹកនេះ មានអ្នកជំងឺកម្រិតស្រាលចំនួន ១០៣៣ នាក់ត្រូវបានអនុញ្ញាតិឲ្យសម្រាកព្យាបាលតាមផ្ទះ។ ក្នុងនោះក្នុងចំណោមអ្នកជំងឺកំពុងសម្រាកព្យាបាលតាមផ្ទះ ក៏មានអ្នកជំងឺ ២៦៨ នាក់ បានព្យាបាលជាសះស្បើយ។

បើតាមរដ្ឋលេខាធិការក្រសួងសុខាភិបាល លោក ង៉ូវ កាង បានលើកឡើងពីលក្ខខណ្ឌចំនួន ៤ ចំណុច ទើបអ្នកជំងឺកូវីដអាចអនុញ្ញាតិឲ្យសម្រាកតាមផ្ទះបានមានដូចតទៅ៖

-អ្នកជំងឺកូវីដដែលមានរោគសញ្ញាកម្រិតស្រាល និងគ្មានរោគសញ្ញា
-ត្រូវមានបន្ទប់ដាច់ដោយឡែក សម្រាប់ដាក់អ្នកជំងឺ
-ត្រូវមានបុគ្គលជាជំហរម្នាក់ មានសុខភាពល្អអាចមើលថែទាំអ្នកជំងឺបាន
-ផ្ទះមានលំហធំទូលាយ អាចរក្សាគម្លាត រក្សាអនាម័យ សម្រាប់អ្នករស់នៅក្រោមដំបូលតែមួយ

លោកកើត ឆែ អភិបាលរងរាជធានីភ្នំពេញ បានថ្លែងថា ការអនុញ្ញាតិឲ្យអ្នកជំងឺកម្រិតស្រាល និងគ្មានរោគសញ្ញាសម្រាកព្យាបាលនៅផ្ទះ ដើម្បីសម្រួលបន្ទុកនៅតាមមន្ទីរពេទ្យនិងមណ្ឌលព្យាបាលនានា សម្រាប់ដាក់អ្នកជំងឺកម្រិតធ្ងន់ដែលត្រូវការយកចិត្តចិត្តទុកដាក់តាមដាន និងការជួយសង្រ្គោះបន្ទាន់៕

អត្ថបទ៖ ប៊ុណ្ណារ៉ា

Related Topics: