ព័ត៌មានជាតិ

កូរ៉េនឹងជួយបង្រៀនជំនាញបច្ចេកវិទ្យាវេចខ្ចប់ដល់មន្ត្រីកម្ពុជា

បានផុស

៣ years មុន

នៅ

ថ្ងៃចន្ទ ១២ កក្កដា ២០២១

ដោយ

ការិយាល័យ កយកា-KOICAប្រចាំនៅកម្ពុជា នឹងបើកវគ្គបណ្តុះបណ្តាលស្តីពី“ការបណ្តុះបណ្តាលការអភិវឌ្ឍបច្ចេកវិទ្យាវេចខ្ចប់ដើម្បីបង្កើនផលិតភាពសហគ្រាសធុនតូចនិងមធ្យម”ដល់មន្ត្រីរដ្ឋាភិបាលកម្ពុជាដែលត្រូវបានជ្រើសរើសសម្រាប់ការបណ្តុះបណ្តាលតាមប្រព័ន្ធអ៊ីនធឺណិតសម្រាប់ឆ្នាំទី២រយៈពេល៣ឆ្នាំជាប់ៗគ្នា (២០២០-២០២២) ។

វគ្គបណ្តុះបណ្តាលនេះនឹងត្រូវប្រព្រឹត្តិឡើង តាមអ៊ីនធឺណិត ឬតាមប្រព័ន្ធអនឡាញ ចាប់ពីថ្ងៃទី១៤ ខែកក្កដា ដល់ថ្ងៃទី២៣ ខែកក្កដា ឆ្នាំ២០២១ រយៈពេល ១០ ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីឆ្នាំនេះមានសិក្ខាកាមចូលរួមចំនួន២៣នាក់ មកពីក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ (MISTI) នៃប្រទេសកម្ពុជា។

ក្នុងចំណោមសិក្ខាកាមទាំង២៣នាក់ មានមន្ត្រីជាន់ខ្ពស់មួយចំនួនរួមមានអគ្គនាយករង១រូប ប្រធាននាយកដ្ឋាន២រូប និងអនុប្រធាននាយកដ្ឋាន ៦ រូបចូលរួមផងដែរ។ កយកា-KOICA ចាប់ផ្តើមបើកវគ្គបណ្តុះបណ្តាលតាមអ៊ិនធឺណិតនេះវិញដោយពិចារណាថា វានឹងមានការលំបាកក្នុងការអនុវត្តកម្មវិធីអញ្ជើញទៅបណ្តុះបណ្តាលដោយផ្ទាល់នៅប្រទេសកូរ៉េនៅក្នុងឆ្នាំ២០២១ ដោយសារស្ថានភាពជំងឺកូវីដ-១៩។

គោលបំណងនៃកម្មវិធីនេះគឺ ដើម្បីកែលំអនាវនុវត្តន៍បច្ចេកវិទ្យានៅក្នុងប្រទេសកម្ពុជាតាមរយៈការណែនាំបច្ចេកវិទ្យាវេចខ្ចប់វេចខ្ចប់ទំនើបរបស់កូរ៉េ និងគោលនយោបាយពាក់ព័ន្ធផ្សេងៗទៀតរបស់ប្រទេសកូរ៉េ។

វគ្គបណ្តុះបណ្តាលឆ្នាំទី១ កាលពីឆ្នាំទៅមានគោលបំណងស្វែងយល់អំពីនិន្នាការ និងបច្ចេកវិទ្យាឧស្សាហកម្មវេចខ្ចប់របស់កូរ៉េដើម្បីបង្កើតភាពជាដៃគូរវាងមន្ត្រីកូរ៉េ-កម្ពុជាលើឧស្សាហកម្មពាក់ព័ន្ធខណៈវគ្គបណ្ដុះបណ្ដាលឆ្នាំទី២នៅឆ្នាំនេះត្រូវបានរៀបចំឡើងដើម្បីបណ្តុះបណ្តាលបច្ចេកវិទ្យាវេចខ្ចប់ជំនាញដែលឆ្លើយតបនឹងតម្រូវការរបស់ប្រទេសកម្ពុជា។

ចុងក្រោយវគ្គបណ្ដុះបណ្ដាលឆ្នាំទី៣ នៅឆ្នាំក្រោយ នឹងណែនាំនិងអភិវឌ្ឍនាវានុវត្តន៍បច្ចេកវិជ្ជាវេចខ្ចប់និងដើម្បីពិគ្រោះយោបល់ផ្នែកភ័ស្តុភារជឿនលឿន លើវិស័យជាក់លាក់ដែលស្នើសុំដោយប្រទេសកម្ពុជា។

ដោយមានបេសកកម្មគាំទ្រការអភិវឌ្ឍធនធានមនុស្សនៅក្នុងប្រទេសជាដៃគូកយកា-KOICAធ្វើការលើផ្នែកបច្ចេកទេសជាច្រើនទៅលើកម្មវិធី និងគម្រោងផ្សេងៗដែលជះឥទ្ធិពលយ៉ាងខ្លាំងដល់ការអភិវឌ្ឍន៍របស់ប្រទេសកម្ពុជាដូចជាការកែលម្អអាហារូបត្ថម្ភ និងសុខុមាលភាពរបស់សិស្សពង្រឹងសមត្ថភាពគ្រូបង្រៀន សុខភាពសាធារណៈ កសិកម្ម និងហេដ្ឋារចនាសម្ព័ន្ធ និងនាវានុវត្ត។

លើសពីនេះទៀត កយកាបានបញ្ជូនអ្នកស្ម័គ្រចិត្តជាង៧៦០នាក់និងបានអញ្ជើញមន្ត្រីរដ្ឋាភិបាលប្រហែល៣១០០នាក់ឲ្យចូលរួមក្នុងវគ្គបណ្តុះបណ្តាលរយៈពេលខ្លីនិងកម្មវិធីអាហារូបករណ៍ថ្នាក់អនុបណ្ឌិតនៅប្រទេសកូរ៉េ។

រដ្ឋាភិបាលកម្ពុជាវាយតម្លៃខ្ពស់ ចំពោះតួនាទីឈានមុខរបស់កូរ៉េ ក្នុងវិស័យដូចជា ការវិនិយោគដោយផ្ទាល់ ទេសចរណ៍ការផ្លាស់ប្តូរវប្បធម៌កិច្ចសហប្រតិបត្តិការអភិវឌ្ឍន៍ បណ្តុះបណ្តាលវិជ្ជាជីវៈបច្ចេកវិទ្យាព័ត៌មានវិទ្យាសំណង់ ហិរញ្ញវត្ថុ និងអាជីវកម្មអាកាសចរណ៍ដែលទាំងអស់នេះចូលរួមចំណែកក្នុងដំណើរការអភិវឌ្ឍនៅកម្ពុជា។

សាធារណរដ្ឋកូរ៉េប្តេជ្ញាចិត្តលើការផ្លាស់ប្តូរនិងកិច្ចសហប្រតិបត្តិការដ៏រឹងមាំទាំងនេះដើម្បីធ្វើឲ្យទំនាក់ទំនងទ្វេភាគីរបស់យើងឈានដល់កម្រិតខ្ពស់មួយ៕

អត្ថបទ ៖ សំអឿន

Related Topics:ជំនាញបច្ចេកទេស