ព័ត៌មានជាតិ

រដ្ឋបាលខេត្ត បើកយុទ្ធនាការចាក់វ៉ាក់សាំងជូនប្រជាពលរដ្ឋ ក្នុងខេត្តស្ទឹងត្រែង ចាប់ពីស្អែកនេះ

បានផុស

៤ years មុន

នៅ

ថ្ងៃចន្ទ ១២ កក្កដា ២០២១

ដោយ

រដ្ឋបាលខេត្ត រួមនិងមន្ទីរសុខាភិបាលខេត្តស្ទឹងត្រែង នៅថ្ងៃទី ១៣ ខែកក្កដាឆ្នាំ ២០២១ស្អែកនេះ និងបើកយុទ្ធនាការចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋ ក្នុងក្រុងស្ទឹងត្រែង ចំនួន ៣គោលដៅ ទី១- វិទ្យាល័យព្រះរាជបូជនីយកិច្ច ទី២-វិទ្យាល័យហ៊ុនសែនស្ទឹងត្រែងនិងទី៣ -មន្ទីរពេទ្យបង្អែកខេត្តស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីជូនដំណឹងរបស់សាលាខេត្តបានបញ្ជាក់ថា យុទ្ធនាការចាក់វ៉ាក់សាំងការពារជំងឺកូវីដ-១៩ ជូនដល់ប្រជាពលរដ្ឋ រស់នៅក្រុងស្ទឹងត្រែង ចាប់ពីថ្ងៃទី១៣កក្កដា មានរយៈពេលត្រឹមតែ ១៤ថ្ងៃតែប៉ុណ្ណោះ សម្រាប់ប្រជាពលរដ្ឋក្នុងក្រុងស្ទឹងត្រែង។ ចំពោះប្រជាពលរដ្ឋ នៅតាមមូលដ្ឋានផ្សេង និងអនុវត្តផែនការបន្តបន្ទាប់។

លោក ម៉ែន គង់ នាយករដ្ឋបាលបានប្រសាសន៍បន្ថែមថា នេះគឺជាការយកចិត្តទុកដាក់ គិតគូររបស់រាជរដ្ឋាភិបាល ដែលមានសម្ដេចតេជោ ហ៊ុន សែន និងថ្នាក់ដឹកនាំខេត្តតែងតែគិតគូរ អំពីសុខទុក្ខរបស់បងប្អូនប្រជាពលរដ្ឋគ្រប់កាលៈទេសៈ គ្រប់ពេលវេលាជាពិសេសនៅក្នុងបរិបទនៃជំងឺកូវីដ-១៩ ដែលកំពុងតែរាតត្បាតពាសពេញពិភពលោក ក៏ដូចជានៅក្នុងប្រទេសកម្ពុជាយើង ដែលមានអ្នកឆ្លង និងស្លាប់នោះផងដែរ។

លោកនាយករដ្ឋបាលបានអំពាវនាវ ចំពោះបងប្អូនប្រជាពលរដ្ឋក្នុងខេត្តទាំងអស់ ដែលមកចាក់វ៉ាក់សាំងការពារជំងឺកូវីដ-១៩ ត្រូវអនុវត្តឲ្យ បានត្រឹមត្រូវ និងម៉ឺងម៉ាត់បំផុតនូវគោលការណ៍ណែនាំ និងវិធានការនានារបស់រាជរដ្ឋាភិបាល និងក្រសួងសុខាភិបាល ពិសេសអនុវត្តឲ្យបានខ្ជាប់ខ្ជួននូវវិធានការ “ ៣ការពារ និង៣កុំ។ លោកសូមផ្ដាំផ្ញើដល់បងប្អូនប្រជាពលរដ្ឋទាំងអស់ ដែលទទួលបានការចាក់វ៉ាក់សាំងការពារជំងឺកូវីដ-១៩ រួចហើយ សូមជៀសវាងការធ្វើការធ្ងន់ ហាមប្រើប្រាស់គ្រឿងស្រវឹង ហាមប៉ះពាល់កន្លែងចាក់ សម្រាកឲ្យបានច្រើន និងញ៉ាំអាហារបំប៉នឲ្យបានគ្រប់គ្រាន់៕

អត្ថបទ៖ ងិនលីម

Related Topics:ខេត្តស្ទឹងត្រែង