ព័ត៌មានជាតិ

អាជីវករផ្សារព្រែកជ្រៃ ផ្ទុះការតវ៉ាជាមួយប្រធានផ្សារ រហូតបិទផ្លូវ២១៧

បានផុស

៣ years មុន

នៅ

ថ្ងៃចន្ទ ១២ កក្កដា ២០២១

ដោយ

ភ្នំពេញ ៖ បងប្អូនអាជីវករលក់ដូរនៅក្នុងផ្សារព្រែកជ្រៃ បានផ្ទុះការតវ៉ាមួយព្រឹកធំ រហូតលើកគ្នាបិទផ្លូវ២១៧ ហៅ ផ្លូវ ចំការដូង ដើម្បីរកជំនួយដោះស្រាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអាជីវករផ្ទុះការតវ៉ានេះ ដោយសារខឹងទៅនឹងប្រធានផ្សារព្រែកជ្រៃដែលចេះតែរកផលចំណេញ និងគាបសង្កត់ពួកគាត់មិនចេះហើយ។

ហេតុការណ៍ក្រុមអាជីវករផ្សារព្រែកជ្រៃ ជាច្រើននាក់ បានផ្ទុះការតវ៉ាយ៉ាងខ្លាំងរហូតឈានដល់ការបិទផ្លូវលេខ២១៧ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ កើតឡើងកាលពីថ្ងៃទី១២ ខែកក្កដា ឆ្នាំ២០២១។

ចំពោះហេតុការណ៍នេះ ធ្វើឲ្យមានការភ្ញាក់ផ្អើលដល់អាជ្ញាធរមូលដ្ឋាន និង អាជ្ញាធរខណ្ឌដង្កោចុះដោះស្រាយភ្លាមៗ រហូតវេលាម៉ោងប្រហែល ១៥ និង ៤៥នាទី រសៀលថ្ងៃខែឆ្នាំដដែលនេះ លោក ជ គឹមស៊រ អភិបាលរងខណ្ឌដង្កោបានដឹកនាំ អាជ្ញាធរមូលដ្ឋាន ក៏ដូចជា មន្ត្រីសាលាខណ្ឌដង្កោបានចុះសម្របសម្រួលជាមួយបងប្អូនអាជីវករ និង តំណាងផ្សារព្រែកជ្រៃ ដោយសុំឲ្យបងប្អូនអាជីវករទាំងអស់ បើកផ្លូវដំណើរការធម្មតា ។ចំពោះការដោះស្រាយយ៉ាងណានោះ អាជ្ញាធរខណ្ឌដង្កោ នឹងបន្តជួយ សម្របសម្រួលដោះស្រាយបន្តទៀត។