ព័ត៌មានជាតិ

រថយន្តអនុប្រធានភូមិបាលស្រុកសៀមប៉ាង ត្រូវជនមិនស្គាល់មុខលួចដុតខ្ទេច

បានផុស

៣ years មុន

នៅ

ថ្ងៃចន្ទ ១២ កក្កដា ២០២១

ដោយ

ស្ទឹងត្រែង ៖ រថយន្តអនុប្រធានភូមិបាលស្រុកសៀមប៉ាង មួយគ្រឿងដែលចតក្បែរផ្ទះត្រូវបានជនមិនស្គាល់អត្តសញ្ញាណលួចដុតឆេះផ្នែកខាងក្នុងស្ទើរទាំងស្រុង កាលពីប្រហែលម៉ោងជាង១រំលងអធ្រាត្រឈានចូលថ្ងៃទី១២ ខែកក្កដា ឆ្នាំ ២០២១ នៅចំណុច ផ្ទះជនរងគ្រោះ ក្នុងស្រុកសៀមប៉ាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា រថយន្តដែលគេលួចដុតនោះជាប្រភេទរថយន្តតាកូម៉ាពណ៌ទឹកប្រាក់ពាក់ស្លាកលេខស្ទឹងត្រែង 2B-4545 ជារបស់ឈ្មោះឈា ប៊ុនឡា ភេទប្រុស អាយុ៣២ ឆ្នាំ មុខរបរអនុប្រធានភូមិបាលស្រុកសៀមប៉ាង។

សមត្ថកិច្ចបានបន្តឲ្យដឹងទៀតថា នៅមុនកើតហេតុនោះជនរងគ្រោះកំពុងដេកលង់លក់ស្រាប់តែឮស្មូរសំឡេងផ្ទុះ ដូចជាកំប៉ុងហ្គាបានស្ទុះចេញពីផ្ទះមកមើល ក៏ប្រទះឃើញរថយន្ដរបស់ខ្លួនកំពុងឆាបឆេះសន្ធោសន្ធៅក្នុងរថយន្ត ហើយអ្នកជិតខាងក៏បាននាំគ្នាយកទឹកបាញ់ពន្លត់រហូតដ៏រលត់ទាំងស្រុង។

ក្នុងយប់កើតហេតុម្ចាស់មិនបានរាយការណ៍ជូនសមត្ថកិច្ចទេ លុះព្រឹកឡើងថ្ងៃទី ១២កក្កដា ទើបរាយការណ៍ដល់សមត្ថកិច្ចចុះមកត្រួតពិនិត្យឃើញមានដកទឹកសុទ្ធចំណុះ ១.៥លីត្រ មានសាំងសល់ប្រហែលកន្លះលីត្រ នៅជិតកន្លែងកើតហេតុ។ បើតាមការអះអាងរបស់ជនរងគ្រោះនិងសមត្ថកិច្ចបានសន្និដ្ឋានថា បានជនមិនស្គាល់អត្តសញ្ញាណលួចដុត។

បច្ចុប្បន្នកម្លាំងជំនាញនិងកម្លាំងប៉ុស្តិ៍កំពុងបើកការស៊ើបអង្កេតស្រាវជ្រាវរកជនបង្កដែលបានលួចដុតឡាន ដើម្បីចាប់ខ្លួនយកមកអនុវត្តទោសទៅតាមផ្លូវច្បាប់៕

ដោយ ៖ ងិនលីម