ព័ត៌មានជាតិ

អាជ្ញាធរខេត្តសៀមរាប យកវិទ្យាល័យមួយទៀតធ្វើជាទីតាំងចត្តាឡីស័ក សម្រាប់អ្នកដំណើរមកពីក្រៅស្រុក

បានផុស

៤ years មុន

នៅ

ថ្ងៃអង្គារ ១៣ កក្កដា ២០២១

ដោយ

នារសៀលថ្ងៃទី១២ ខែកក្កដា ឆ្នាំ២០២១ លោក ប្រាក់ សោភ័ណ ប្រធានសហភាពសហព័ន្ធយុវជនកម្ពុជា ខេត្តសៀមរាប បានដឹកនាំសមាជិក សមាជិកា ក្រុមការងារលេខាធិការដ្ឋាន និងយុវជនអង្គរ សហការជាមួយមន្ត្រីរដ្ឋបាលសាលាខេត្ត មន្ទីរសុខាភិបាលខេត្ត មន្ទីរ-អង្គភាព និងស្ថាប័នពាក់ព័ន្ធជុំវិញខេត្ត ចុះរៀបចំ និងសម្អាតបន្ទប់អគារ នៅវិទ្យាល័យ ១០មករា១៩៧៩ ខេត្តសៀមរាប ដើម្បីធ្វើជាទីតាំងមណ្ឌលចត្តាឡីស័ក សម្រាប់បងប្អូនប្រជាពលរដ្ឋដែលបានត្រឡប់មកពីធ្វើការនៅក្រៅប្រទេស ចូលក្នុងខេត្តសៀមរាប ថ្មីបន្ថែមទៀត ដោយមានការអញ្ជើញចុះទៅពិនិត្យទីតាំងរៀបចំដោយផ្ទាល់ដ៏ខ្ពង់ខ្ពស់របស់លោក ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវចារកិច្ចក្រសួងការពារជាតិ និងជាប្រធានអនុគណៈកម្មការគ្រប់គ្រងច្រកទ្វារចេញ ចូលប្រទេស និងការធ្វើចត្តាឡីស័ក និងលោក ទៀ សីហា អភិបាលនៃគណៈអភិបាលខេត្តសៀមរាប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះដែរ ក៏មានកិច្ចប្រជុំពិភាក្សាការងារ លោក ហ៊ុន ម៉ានិត និងលោក ទៀ សីហា អភិបាលខេត្ត បានមានប្រសាសន៍ថា លោកនឹងលើកទិសដៅអនុវត្តការងារបន្ត ដើម្បីពង្រឹងការគ្រប់គ្រង់ការឆ្លងដែនរបស់បងប្អូនប្រជាពលរដ្ឋដែលបានត្រឡប់មកពីធ្វើការនៅប្រទេសថៃ ឲ្យមានប្រសិទ្ធិភាពខ្ពស់ សំដៅដល់ការកាត់បន្ថយការឆ្លងរាលដាលជំងឺកូវីដ-១៩ ក្នុងសហគមន៍ផង ។

សូមបងប្អូនប្រជាពលរដ្ឋទាំងអស់ ចូលរួមអនុវត្តឲ្យបានខ្ជាប់ខ្ជួននូវវិធានការ ៣ការពារ, ៣ កុំ ចូលរួម ស្កេន QR Code ដោយតម្រូវត្រូវពាក់ម៉ាស រក្សាគម្លាត គ្រប់ពេលវេលា គ្រប់ទីកន្លែងឲ្យបានខ្ជាប់ខ្ជួន និងចូលរួមស្ម័គ្រចិត្តយកសំណាក ក្នុងករណីបងប្អូនទើបតែមក ឬពាក់ព័ន្ធនឹងកន្លែងដែលមានហានិភ័យ ដែលក្រសួងសុខាភិបាល បានប្រកាសកន្លងមក។

ត្រូវពាក់ម៉ាស់, ត្រូវលាងដៃ, ត្រូវរក្សាគម្លាតបុគ្គល៣កុំ កុំនៅបន្ទប់បិទជិត, កុំនៅកន្លែងកុះករ, កុំប៉ះពាល់ស្និទស្នាលគ្នា៕

អត្ថបទ ៖ គឿនវេត