ព័ត៌មានជាតិ

ប្រជាកសិករ១០នាក់នាំគ្នាស្តាប្រឡាយដីបាក់សង្កត់ស្លាប់ម្នាក់

បានផុស

៤ years មុន

នៅ

ថ្ងៃអង្គារ ១៣ កក្កដា ២០២១

ដោយ

បាត់ដំបង ៖ ប្រជាកសិករម្នាក់ក្នុងចំណោមកសិករទាំង១០នាក់ បានស្លាប់បាត់បង់ជីវិតខណៈដែលកសិករទាំង១០នាក់បានចុះស្តាអាចម៍ដីពីប្រឡាយ ដើម្បីបណ្តោះទឹកស្រោចស្របលើផលដំណាំរបស់ពួកគាត់ក៏បានបាក់ដីជ្រាំងប្រឡាយសង្កត់តែម្តង។

សមត្ថកិច្ចមូលដ្ឋានបានឲ្យដឹងថា ករណីខាងលើនេះ បានកើតឡើងនៅល្ងាចថ្ងៃទី០៩ខែកក្កដា ឆ្នាំ២០២១ វេលាម៉ោង០៧និង០០នាទីនៅចំណុចតាមប្រឡាយស្ថិតក្នុងក្រុមទី០៩ភូមិច្រាំងខ្ពស់ ឃុំបាសាក់ ស្រុករុក្ខគិរី ខេត្តបាត់ដំបង។

កសិករម្នាក់ដែលបានស្លាប់ដោយសារបាក់ដីប្រឡាយសង្កត់លើមានឈ្មោះផេង ផាន ភេទប្រុសអាយុ៣៨ឆ្នាំ រស់នៅភូមិអន្លង់ត្រាច ឃុំរបស់មង្គល ស្រុកមោងឫស្សីខេត្តបាត់ដំបង ស្លាប់ពេលបញ្ជូនដល់មណ្ឌលសុខភាពឃុំបាសាក់។

សមត្ថកិច្ចបញ្ជាក់ថា មុនកើតហេតុសពខាងលើនិងប្រជាកសិករប្រមាណ១០នាក់បាននាំគ្នាចុះស្តារប្រឡាយ(ដីបាក់ចូល)ដើម្បីអោយទឹកហូរបានលឿន ខណៈពេលកំពុងតែកាយដីចេញពីប្រឡាយក៏ស្រាប់តែដីបាក់សង្កត់តែម្តង។ ក្រោយ សមត្ថកិច្ចធ្វើកោសល្យវិច័យរួចរាល់ក៏បានប្រគល់សពខាងលើឲ្យទៅក្រុមគ្រួសារយកទៅធ្វើបុណ្យតាមប្រពៃណី៕

ដោយ ៖ សៅ សារិទ្ធ

Related Topics:បាក់ដី