ព័ត៌មានជាតិ

ខេត្តព្រះវិហារ ចាប់ផ្តើមសាងសង់ផ្លូវរត់ស្ថានីយជញ្ជីងថ្លឹងរថយន្តលើសទម្ងន់ ព្រះវិហារ-អូរពោធិហើយ

បានផុស

៤ years មុន

នៅ

ថ្ងៃពុធ ១៤ កក្កដា ២០២១

ដោយ

គម្រោងសាងសង់ស្ថានីយថ្លឹងយានយន្ត (ស្ថានីយអូរពោធិ៍-ខេត្តព្រះវិហារ) លើផ្លូវជាតិលេខ៦២ គីឡូម៉ែត្រ៥២+០០០ ភូមិអូរពោធិ៍ ឃុំរមណី ស្រុករវៀង ខេត្តព្រះវិហារ នៅពេលនេះបានចាប់ផ្ដើមសាងសង់ផ្លូវរត់របស់ស្ថានីយហើយ។ ក្រោយការសាងសង់ស្ថានីយថ្លឹងយានយន្តនេះបានរួចរាល់ ផ្លូវមួយចំនួននៅក្នុងខេត្តព្រះវិហារនឹងប្រើប្រាស់បានយូរអង្វែង ព្រោះតែមិនមានរថយន្តដឹកលើសទម្ងន់បំផ្លិចបំផ្លាញផ្លូវទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារ បានឲ្យដឹងថា ថ្ងៃទី១៤កក្កដានេះថា ក្រុមការងារ នៃមន្ទីរសាធារណការ និងដឹកជញ្ជូនខេត្តព្រះវិហារ នៅពេលនេះបាននិងកំពុងធ្វើសកម្មភាពការងារសាងសង់ផ្លូវរត់ស្ថានីយជញ្ជីងថ្លឹងរថយន្តលើសទម្ងន់ (ព្រះវិហារ-អូរពោធិ ស្ថិតនៅគីឡូម៉ែត្រ៥២ ផ្លូវជាតិលេខ៦២ ក្នុងឃុំរមណី ស្រុករវៀង ខេត្តព្រះវិហារ ) ដែលអនុវត្តដោយមន្ទីរសាធារណការ និងដឹកជញ្ជូនខេត្តព្រះវិហារ។

លោក សំ លាងទ្រី បានសូមឲ្យពុកម៉ែបងប្អូន ដែលជាអ្នកបើកបរតាមដងផ្លូវទាំងអស់ សូមចូលរួមគោរពច្បាប់ចរាចរណ៍ផ្លូវគោកទាំងអស់គ្នា ពោលគឺមិនត្រូវបើកបរលើសល្បឿនកំណត់ មិនត្រូវបើកបរវ៉ាជែងទាំងប្រថុយប្រថាន មិនត្រូវបើកបរក្នុងស្ថានភាពស្រវឹង មិនត្រូវដឹកលើកទម្ងន់កំណត់ ឫដឹកសំពីងសំពោង ពិសេសត្រូវពាក់ខ្សែក្រវាត់ការពារខ្លួនជានិច្ចមុនពេលបើកបរ និងសូមចូលរួមប្រយុទ្ធប្រឆាំងជំងឺកូវីដ-១៩ ដោយត្រូវអនុវត្តឲ្យបានទៀងទាត់តាមការណែនាំរបស់ក្រសួងសុខាភិបាល និងអនុវត្តវិធានការរាជរដ្ឋាភិបាល«៣កុំនិង៣ការពារ» ដើម្បីការពារខ្លួនយើង ក្រុមគ្រួសារ និងសហគមន៍យើងពីការឆ្លងរាលដាលជំងឺកូវីដ-១៩៕