ព័ត៌មានជាតិ

ទុស្សេខ្សែភ្លើងឆេះ តូបក្នុងផ្សារកំពង់ជ្រៃអស់មួយតូប បង្កការភ្ញាក់ផ្អើលទាំងយប់

បានផុស

៤ years មុន

នៅ

ថ្ងៃអាទិត្យ ២២ វិច្ឆិកា ២០២០

ដោយ

តូបលក់ចាបហួយមួយខ្នង នៅក្នុងផ្សារកំពង់ជ្រៃ ត្រូវបានអគ្គិភ័យលេបត្របាក់ និងបានឆេះឥវ៉ាន់ ខ្ទេចគ្មានសល់ បង្កការភ្ញាក់ផ្អើលទាំងយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ កើតឡើងនៅវេលាម៉ោង២១និង៣០នាទីយប់ថ្ងៃទី២១ ខែវិច្ឆិកា ឆ្នាំ២០២០ ស្ថិតនៅក្នុងភូមិកំពុងជ្រៃ ឃុំស្មោង ស្រុកទ្រាំង ខេត្តតាកែវ។ ប្រជាពលរដ្ឋនៅក្បែរកន្លែងកើតហេតុបានឲ្យដឹងថា មុនពេលកើតហេតុពួកគាត់បានលឺ សំឡេងផ្ទុះកំប៉ុងហ្គាសចេញពីតូបលក់ឥវ៉ាន់ចាប់ហួយ ដែលមានប្តីឈ្មោះ ម៉ម សុខុន និងប្រពន្ធឈ្មោះ ប៉ែន ចក់ និងបានឃើញអណ្តាតភ្លើង កំពុងតែឆាបឆេះក្នុងតូប ធ្វើឲ្យមានការភ្ញាក់ផ្អើលដល់ប្រជាពលរដ្ឋ និងបាននាំគ្នាចេញមកជួយបាញ់ទឹកពន្លត់ទាន់ពេល កុំអី អណ្តាតភ្លើងឆេះរាលដាល ឆ្លងឆេះផ្សារខ្ទេចគ្មានសល់នោះទេ។

ដោយឡែកម្ចាស់តូប បានបញ្ជាក់ថា អាចមកពីទុស្សេខ្សែភ្លើងទើប បណ្តាលឲ្យមានអគ្គិភ័យដូចនេះ ហើយសម្ភារៈ ដែលគាត់បាត់បង់មាន ទូទឹកកកក្លាសេធំចំនួន០១ ធុងទឹកកកធំៗចំនួន០២ ប៊ីយ៉ែរ ទឹកក្រូច អស់ជាច្រើនកេះ រួមនឹងសម្ភារៈផ្សេងៗជាច្រើនទៀត គិតជាទឹកប្រាក់អស់ប្រមាណជិតមួយម៉ឺនដុល្លារ។ នេះជាស្មារតីសាមគ្គីទទួលខុសត្រូវខ្ពស់ ក្នុងការជួយយកអាសាគ្នាទាន់ពេលវេលា កុំអីវាសនាផ្សារកំពង់ជ្រៃមិនខុសពីផ្សារសំរោងយោងនោះទេ៕

អត្ថបទ៖ វីរៈ

សូមចុចអាន៖ បុរសម្នាក់កាប់គេ២ពូថៅស្លាប់ រួចទៅចង.កសម្លាប់ខ្លួន តាមក្រោយ

Related Topics:អគ្គិភ័យ