អាជ្ញាធរខេត្តព្រះសីហនុ នឹង ផាកពិន័យ ព្រមទាំងចាត់វិធានការតាមច្បាប់ សម្រាប់អ្នកមិនអនុវត្តន៍វិធានការសុខាភិបាល

អភិបាលខេត្តព្រះសីហនុ បានប្រកាសថា ចាប់ពីថ្ងៃទី១៥ ខែកក្កដានេះ អាជ្ញាធរមានសមត្ថកិច្ចពាក់ព័ន្ធ នឹងផាកធ្វើ​ការ​ពិន័​យ ព្រមទាំងចាត់វិធានការផ្លូវច្បាប់ ទៅលើប្រជាពលរដ្ឋរូបណា មិនអនុវត្តន៍វិធានការសុខាភិបាល ដោយធ្វើការគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័ក។ នេះបើតាមការឲ្យដឹងពីលោក ឃាង ភារម្យ អ្នកនាំពាក្យ នៃរដ្ឋបាលខេត្តព្រះសីហនុ នៅយប់ថ្ងៃទី១៤ ខែកក្កដា ឆ្នាំ២០២១។

លោក ឃាង ភារម្យ បានសរសេរនៅលើគណនីហ្វេសប៊ុករបស់លោកថា «ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ៖ ចាប់ពីព្រឹកស្អែក ថ្ងៃ១៥ ខែកក្កដា ឆ្នាំ២០២១នេះតទៅ ករណីបងប្អូនប្រជាពលរដ្ឋ មិនអនុវត្តន៍វិធានការសុខាភិបាល ដោយធ្វើការគេចវេះពីការធ្វើចត្តាឡីស័ក ឬគេចចេញពីទីកន្លែងធ្វើចត្តាឡីស័ក ត្រូវតែធ្វើការផាកពិន័យ និងចាត់វិធានការផ្លូវច្បាប់ជាដាច់ខាត ដោយគ្មានការលើកលែងឡើយ»៕ (ដោយ)៖ ឃួន សុភ័​ក្រ