ខេត្តបាត់ដំបង​រកឃើញ​អ្នកឆ្លងកូ​វីដ ៦៥នាក់បន្ថែម

​តាម​សេចក្តីប្រកាស​ព័ត៌មាន​របស់​រដ្ឋបាល​ខេត្តបាត់ដំបង នា​យប់​ថ្ងៃទី​១៤ ខែកក្កដា ឆ្នាំ​២០២១ ​នេះ បាន​បញ្ជាក់ថា នៅ​ថ្ងៃទី​១៤ ខែកក្កដា​ នេះ រដ្ឋបាលខេត្ត​បាន​រកឃើញ​អ្នក​ឆ្លង​ជំងឺ​កូ​វីដ​-១៩ បន្ថែម​ថ្មី​ចំនួន៦៥ នាក់បន្ថែម ដែល​ក្នុងនោះ​សុទ្ធសឹង​ជា​អ្នកពាក់ព័ន្ធ​នឹង​ព្រឹត្តិការណ៍ សហគមន៍​២០​កុម្ភ​:​ ទាំងអស់ ព្រមទាំង​មាន​អ្នកជា​សះស្បើយ​ចំនួន១៧នាក់ និង​ស្លាប់១នាក់ ផងដែរ​។​

រដ្ឋបាលខេត្ត​បាត់ដំបង​បានបង្ហាញ​តួលេខ​រួម​អោយដឹងថា បើ​គិត​មកដល់ថ្ងៃទី​១៤ ខែកក្កដា​ នេះ ខេត្ត​បាត់ដំបង​មាន​អ្នក​ផ្ទុកមេរោគ​កូ​វីដ​-១៩ ​សរុប​ចំនួន ១,៧២៧ នាក់ ​អ្នកជា​សះស្បើយ​សរុប​ចំនួន ៨៧១ នាក់ ស្លាប់​បាន​កើនឡើង​រហូតដល់​ចំនួន១៤ នាក់ និង​អ្នក​ដែល​កំពុង​សម្រាក​ព្យាបាល​នៅក្នុង​មន្ទីរពេទ្យបង្អែក​ខេត្ត​មាន​ចំនួន ៨៤២ នាក់​៕

អត្ថបទ ៖ សោ និយម​រ័ត្ន​