ផ្លោះរបងចូលលួចសម្ភារ​ក្រុមហ៊ុន​​ត្រូវអ្នកយាមឃើញ​ចាប់បាន​​ប្រគល់ឱ្យសមត្ថកិច្ច

ជនសង្ស័យម្នាក់ ក្នុងចំណោមបក្ខពួកពីរនាក់ កាលពីវេលាម៉ោង ១ រំលងអធ្រាត្រ ឈានចូលថ្ងៃទី ១៥ ខែកក្កដានេះ បាន​ធ្វើសកម្មភាពបិទបារ៉ែតភ្លើងរួចឡើងផ្លោះរបងចូលទៅខាងក្នុងលួចសម្ភារក្នុងក្រុមហ៊ុន អង្គគណនេយ្យ និងអធិការកិច្ច ដែលគេទុកចោល ស្ថិតនៅមហាវិថីសហព័ន្ធរុស្ស៊ី ក្នុងសង្កាត់ទឹកល្អក់ទី១ ខណ្ឌទួលគោក ប៉ុន្តែមិនបានសម្រេច ត្រូវអ្នកយាយក្រុមហ៊ុនចាប់បានប្រគល់ឱ្យសមត្ថកិច្ច។

ប្រភពព័ត៌មានពីអ្នកយាមនៅក្នុងក្រុមហ៊ុនខាងលើ បានឱ្យដឹងថា កន្លងមកជនសង្ស័យធ្លាប់បានមកធ្វើសកម្មភាពចូល​មកលួចម្ដងជាងពីរដងមកហើយ ប៉ុន្តែរូបគាត់ចាប់មិនបាន ហើយមុនពេលកើតហេតុជនសង្ស័យ បានធ្វើសកម្មភាព​បិទបារ៉ែតភ្លើងខាងមុខក្រុមហ៊ុនរួចឡើងតាមរបងចូលផ្លោះទៅជាន់ខាងលើ លួចសម្ភារៈដូចជាដែក នឹងលួចកាត់ខ្សែភ្លើងនិងសំភារៈផ្សេងៗទៀត រួចសម្ងំដេកធ្វើព្រងើយ លុះដល់ម៉ោងកើតហេតុរូបគាត់ភ្ញាក់ឡើងក៏ឃើញជនសង្ស័យទេីបធ្វេីការឃាត់ខ្លួនបានម្នាក់ភ្លាមៗរួចក៏ជូនសមត្ថកិច្ចមូលដ្ឋាន។ ចំណែកម្នាក់ទៀតបានរត់គេចខ្លួនបាត់។

បច្ចុប្បន្នជនសង្ស័យខាងលើត្រូវបានកម្លាំងសមត្ថកិច្ចបញ្ជូនខ្លួននគរបាលខ្លួនទៅប៉ុស្តិ៍នគរបាលរដ្ឋបាលទឹកល្អក់ទីដើម្បីធ្វើការសួរនាំនិងចាត់ការបន្ត៕

អត្ថបទ៖ សុខា