ព័ត៌មានជាតិ
រឿងហួសចិត្ត មន្រ្តីរៀបចំបុណ្យជាតិជួបផ្ទាល់ កូនស្រីស្លាប់យកទៅវត្តបូជា ត្រូវបានអាចារ្យ តាជី យាយជី ធ្វើស៊ីជាអាជីវកម្ម
លោក អ៊ឹម បុរិន្ទ អគ្គលេខាធិការរងគណៈកម្មការរៀបចំបុណ្យជាតិ-អន្តរជាតិ និងជាអ្នកដឹកនាំគណៈកម្មាធិការស្រាវជ្រាវវិជ្ជាហោរាសាស្ត្រ និងប្រពៃណីទំនៀមទំលាប់ខ្មែរ បានថ្លែងរិះគន់ ក្រោយមានវត្តអារាមមួយចំនួនកំពុងធ្វើអាជីវកម្មលើមណរៈទុក្ខគ្រួសារសព។
លោកបានលើកឡើង ករណីដែលលោកជាជនរងគ្រោះ ក្នុងហេតុការណ៍ការកេងប្រវ័ញ្ចលើសាច់ញាតិដែលទទួលមរណៈភាព។
លោកបានបញ្ជាក់ថា អារាមមួយចំនួនកំពុងធ្វើអាជីវកម្មលើមរណៈទុក្ខលើក្រុមគ្រួសារដែលមានទុក្ខធ្ងន់ ពេលសាច់ញាតិទទួលមរណៈភាព ពេលដែលក្រុមគ្រួសារសាច់ញាតិបង្កើត ឪពុកម្ដាយបងប្អូនទូទៅភាគច្រើនបាត់បង់ម្ចាស់ការ មានកង្វល់ជាខ្លាំង គិតរឿងអ្វីមិនចេញ។
លោកបានលើកឡើងពីក្រុមឱកាសនិយម មានក្រុមអាចារ្យយោគី ដូនជីតាជី ដែលរស់នៅដុះស្លែរក្នុងទីប៉ាឆាស្គាល់ស្ថានការណ៍ចំពោះអ្នករងទុក្ខដូច្នេះឆ្លៀតឱកាសធ្វើអាជីវកម្ មលើសាកសពក្រុមគ្រួសារដែលជនរងគ្រោះជួបមរណៈទុក្ខ។ ជាក់ស្ដែងនៅថ្ងៃទី១៧-១៨ខែមិថុនាឆ្នាំ២០២១ លោកបានជួបផ្ទាល់ដែលបានបាត់បង់កូនស្រីជាទីស្រឡាញ់ ដែលបានដឹកសពទៅដំកល់ធ្វើបុណ្យនិងបូជាសព នៅបរិវេណទីប៉ាឆាវត្តសំបួរមាស ភូមិសំបួរ សង្កាត់ដង្កោ ខណ្ឌដង្កោរាជធានីភ្នំពេញ។
លោកបានរៀបរាប់យ៉ាងដូច្នេះថា អំពីរថយន្តដឹកសព ចេញពីបុរីពិភពថ្មីចំការដូង ដល់ទីប៉ាឆាវត្តសំបួរចម្ងាយ ១២០០ ម៉ែត្រ តម្លៃ៨០ដុល្លារអាមេរិកស្មេីនឹង (៣២៨.០០០៛០០) មេរុបូជាសព (មេរុរបស់វត្ត) ដែលពុទ្ធបរិស័ទមានសទ្ធាជ្រះថ្លាកសាងទុកបូជាសពពុទ្ធសាសនិកជន (មេរុកសាងអំពីថ្ម) តម្លៃសពមួយរូប ៧០០ដុល្លារអាមេរិកស្មើ២.៨៧០.០០០៛០០ក្នុងនោះមានក្ដារម្ឈូសធ្វើអំពីក្ដារកុងផ្លាកេមួយសម្រាប់ដាក់សព។ ឫស្សីដាក់សំឡីជ្រលក់ប្រេងកាតមួយដើម សម្រាប់ឈួលភ្លើងតម្លៃ ៤៨.០០០៛០០។
ដោយឡែក មានលោកអាចារ្យយោគីពីរនាក់ និងយាយជី៥ទៅ៦នាក់ និយាយថាគាត់រស់នៅទីនេះរកស៊ីមុខរបរនឹង ២០ឆ្នាំមកហើយ។ ពួកគាត់តែងតែណែនាំពួកយើងទិញនេះទិញនោះដាក់ឱ្យសព ក្រុមគ្រួសារដែលកំពុងរងទុក្ខនិងសោគសង្រែងអាណិតកូនផងបងឬប្អូនផង ចេះតែធ្វើតាមគាត់ទាំងអស់ ហើយរបស់ទាំងអស់នោះថ្លៃៗកប់ពពក។
លោកបានលើករឿងគួរឱ្យហួសចិត្តពីររឿងទៀតនោះគឺ៖ ទី១ គឺប៉ាឡុងដែលរៀបចំសម្រាប់សពតម្លៃ ៨០ដុល្លារ ស្មើ៣២៨.០០០៛០០ ដែលអាចារ្យតម្រូវឱ្យជាវ គឺគ្រាន់តែដាក់បញ្ឈរក្បែរៗទីនោះតែមិនបានឱ្យព្រះសង្ឃវេរទេ ហើយចប់កម្មវិធីក៏មិនឃើញព្រះសង្ឃយកទៅដែរ។ ទី២ ចំណែកយាយជី ដែលគាត់រស់នៅប្រកបរបរនេះដុះស្លែរនោះ បានដើរប្រមូលក្រដាសមាសក្រដាស់ប្រាក់ ដែលគ្រួសារសពបាចនៅពេលហែរសពជុំវិញមេរុនោះ មករៀបចំទុកវិញសម្រាប់លក់ឱ្យសពក្រោយៗទៀត។ សម្រាប់លោកអាចារ្យយោគីយាយជី ការចំណាយទៅលើពួកគាត់ត្រូវចំណាយប្រហែល៣០០ដុល្លារទៀត។
លោកបានលើកនៅមានរឿងតូចតាចជាច្រើនទៀត ដែលលោកមិនចង់និយាយ។ លោកលើកឡើងបន្តថា នៅក្នុងពិធីបុណ្យ៧ថ្ងៃកូនលោក មានលោកតាលោកយាយមកពីទីផ្សេងៗ បាននិយាយរឿងប្រាប់លោកថា នៅវត្តគាត់បូជាសពមួយថ្លៃ១៥០០ដុល្លារ ខ្លះទៀតថាវត្តគាត់ដល់ទៅ១៨០០ដុល្លារឯណោះ។ អីចឹងវត្តដែលមានមេរុភាគច្រើននៅទីក្រុងភ្នំពេញ គឺបូជាសពមួយៗមានតម្លៃខ្ពស់ណាស់ស្ទើគ្រប់វត្តទៅហើយ។
លោកថ្លែងថា ជនដែលមានថវិការគួរសម វាមិនអីទេ តែសម្រាប់ជនក្រីក្រវិញតេីយ៉ាងណាទៅសូមពិចារណាផង។ សួរថាព្រះគ្រូចៅអធិការវត្ត មេភូមិ ចៅសង្កាត់ ខណ្ឌ ចៅហ្វាយក្រុង ក្រសួងធម្មការដឹងរឿងអស់នេះទេ បើមិនដឹងគួរចាត់វិធានការដើម្បីរក្សាតម្លៃព្រះពុទ្ធសាសនា រក្សាជំនឿទំនៀមទម្លាប់សាសនា កុំឱ្យពួកឱកាសនិយមឆ្លៀតឱកាសបំផ្លាញព្រះពុទ្ធសាសនាផង បំផ្លាញប្រពៃណីទំនៀមទម្លាប់សាសនាផង ក្នុងពេលវេលាដែលប្រជាពលរដ្ឋកំពុងរងទុក្ខដោយសារកូវីដ-១៩ផង៕
-
ព័ត៌មានជាតិ២ ថ្ងៃ ago
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ ago
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ ago
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ ago
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ ago
អ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ ago
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ ago
ក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ ago
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី