បញ្ចប់មុខតំណែងព្រះទេវសត្ថា បណ្ឌិត ពឿយ មេត្តា ពីឧត្តមទីប្រឹក្សាផ្ទាល់សម្តេចព្រះមហា សង្ឃរាជ ទេព វង្ស

សម្តេចព្រះមហាសង្ឃរាជ ទេព វង្ស បានចេញព្រះរាជសង្ឃប្រកាស សម្រេចបញ្ចប់មុខតំណែងព្រះទេវសត្ថា បណ្ឌិត ពឿយ មេត្តា ពីឧត្តមទីប្រឹក្សាផ្ទាល់សម្តេច ព្រះអគ្គមហាសង្ឃរាជាធិបតី សម្តេចព្រះមហាសង្ឃរាជ នៃព្រះរាជាណាចក្រកម្ពុជា។ ការបញ្ចប់មុខតំណែងព្រះទេវសត្ថា បណ្ឌិត ពឿយ មេត្តា បានធ្វើឡើងកាលពីថ្ងៃទី១៥ ខែកក្កដា ឆ្នាំ២០​​២១។

ព្រះរាជសង្ឃប្រកាស របស់សម្តេចព្រះមហាសង្ឃរាជ ទេព វង្ស បានសរសេរថា សេចក្ដីសម្រេចទាំងឡាយណា ដែលមានខ្លឹមសារផ្ទុយ នឹងព្រះរាជសង្ឃប្រកាសនេះ ត្រូវចាត់ទុកជានិរាករណ៍។ ចំណែកគណៈសង្ឃនាយក នៃ​ព្រះរាណាចក្រកម្ពុជា ព្រះរាជាគណៈ ព្រះមេគុណ គ្រប់អង្គភាពពាក់ព័ន្ធ និងសាមីអង្គ ត្រូវទទួលបន្ទុកអនុវត្ត ព្រះ​រាជសង្ឃប្រកាសនេះ តាមភារកិច្ចរៀងៗខ្លួន ចាប់ពីថ្ងៃឡាយព្រះហត្ថលេខាតទៅ៕