ព័ត៌មានជាតិ

ខេត្តស្ទឹងត្រែង នឹងបើកដំណើរការផ្សារសាមគ្គីស្ទឹងត្រែង លក់ដូរជាធម្មតាវិញ នៅថ្ងៃទី១៩ កក្កដា ខាងមុខនេះ

បានផុស

៤ years មុន

នៅ

ថ្ងៃសុក្រ ១៦ កក្កដា ២០២១

ដោយ

រដ្ឋបាលខេត្តស្ទឹងត្រែង នៅថ្ងៃទី១៦ ខែកក្កដា ឆ្នាំ២០២១នេះ បានចេញសេចក្តីសម្រេច ប្រកាសព័ត៌មាន ជូនដល់អាជីវករលក់ដូរក្នុងផ្សារសាមគ្គីស្ទឹងត្រែង នឹងបើកឲ្យដំណើរការលក់ដូរជាធម្មតាវិញ ចាប់ពីថ្ងៃទី ១៩ ខែកក្កដា ឆ្នាំ២០២១ នេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្សារសាមគ្គីស្ទឹងត្រែង ត្រូវបានរដ្ឋបាលខេត្តសម្រេចបិទខ្ទប់បណ្ដោះអាសន្នកាលពីថ្ងៃទី២៦ ខែមិថុនា ឆ្នាំ ២០២១កន្លងមក បន្ទាប់ពីមានផ្ទុះជំងឺកូវីដ១៩ រីករាលដាលឆ្លងដល់អាជីវករលក់ដូរក្នុងផ្សារជាច្រើននាក់។

រដ្ឋបាលខេត្តបានសម្រេចបើកផ្សារសាមគ្គីស្ទឹងត្រែង ឲ្យដំណើរការឡើងវិញនោះ ដោយមើលឃើញថាស្ថានភាពការរីករាលដាលនៃជំងឺកូវីដ១៩ បានធូរស្រាលឡើងវិញខ្លះ និងដើម្បីសម្រួលការលក់ដូរ ដល់បងប្អូនអាជីវករសម្រាប់ដោះស្រាយជីវភាពគ្រួសារ បន្ទាប់ពីបានបិទអស់រយៈពេល២០ថ្ងៃកន្លងមក។

រដ្ឋបាលខេត្តក៏បានអំពាវនាវដល់បងប្អូនអាជីវករលក់ដូរក្នុងផ្សារទាំងអស់ ត្រូវគោរពវិធានការសុខាភិបាល ៣ការពារ និង៣កុំ ឲ្យខ្ជាប់ខ្ជួននិងម៉ឺងម៉ាត់បំផុត ជាពិសេសត្រូវពាក់ម៉ាសបាញ់អាកុល នឹងរក្សាគម្លាតសុវត្ថិភាពរវាងអ្នកលក់ និងអ្នកទិញ ដើម្បីជៀសផុតពីការឆ្លងនៃជំងឺកូវីដ១៩៕

អត្ថបទ ៖ ងិនលីម