ព័ត៌មានជាតិ

ករណីដុតកាកសំណល់ បង្កឲ្យមានផ្សែងខ្លាំង លោកអភិបាលក្រុងបាត់ដំបង បានបញ្ជាក់ហេតុផលអំពីការដុត

បានផុស

៤ years មុន

នៅ

ថ្ងៃសុក្រ ១៦ កក្កដា ២០២១

ដោយ

ក្រោយពីមានការរិះគន់លើករណីដុតសំរាម បង្កឲ្យមានផ្សែងខ្លាំងនៅទីប្រជុំជនក្នុងក្រុងបាត់ដំបង តាមបណ្តាញសង្គមបានបង្ហោះរៀបរាប់ពីផលប៉ះពាល់ដល់ប្រជាពលរដ្ឋនិងមហាជនកន្លងមកថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី១៦ ខែកក្កដានេះ លោក ផេង សិទ្ធី បានបញ្ជាក់ប្រាប់គេហទំព័រកម្ពុជាថ្មី តាមតេលេក្រាមឲ្យដឹងថា កាកសំណល់ដែលបានដុតដោយកម្មករអនាម័យពេទ្យប្រចាំការ នៅមណ្ឌលចត្តាឡីស័ក ក្នុងទីធ្លាសាលាមែន ដែលបានបង្កជាផ្សែង ខណៈដែលបុគ្គលិកអនាម័យធ្វើផ្ទុយពីការណែនាំរបស់រដ្ឋបាលក្រុង។ លោកបន្តថា កាកសំណល់ដែលបានប្រមូលដុត គឺជាកាកសំណល់របស់ពលរដ្ឋ ដែលកំពុងសម្រាកធ្វើចត្តាឡីស័ក ហើយផ្នែកបុគ្គលិកអនាម័យនៅក្នុងមណ្ឌលខាងលើនេះ ដុតដោយមិនធ្វើតាមការណែនាំរបស់សាលាក្រុង ខណៈដែលគោលការអនុញ្ញាតិឲ្យដុតបន្តិចម្តងៗរហូតដល់អស់តែក្រុមបុគ្គលិកដុតម្តងយកច្រើនតែម្តងទើបបង្កជាផ្សែងខ្លាំងបែបនេះ។

លោកក៏បានទទួលស្គាល់ ក្នុងការប៉ះពាល់តែបុគ្គលិកអនាម័យ បានអនុវត្តមុននិងដុតបាញ់ថ្នាំសម្លាប់មេរោគរួចដាក់ហាលឲ្យស្ងួតទើបដុតតែម្តង ខណៈដែលពេលវេលាដុតមិនសូវមានមនុស្សចេញចូលច្រើនផងណាមួយបើដុតម្តងបន្តិចបារម្ភខ្លាចធ្លាក់ភ្លៀងពិបាកធ្វើឲ្យសំរាមនិងកាកសំណល់ស្ងួតឡើងវិញ ទើបសម្រេចទាំងមានកំហុសឆ្គងបន្តិចបន្តួចបែបនេះ។ បើទោះបីបែបនេះ រហូតមកដល់ពេលនេះលោកអភិបាលក្រុងបានឲ្យក្រុមអនាម័យក្រុងដឹកកាកសំណល់ដែលនៅសេសសល់បន្តិចបន្តួច ទៅដុតកម្ទេចចោលនៅក្រៅក្រុងអស់រួចរាល់ហើយ៕

អត្ថបទ៖ សៅ សារិទ្ធ

Related Topics:ខេត្តបាត់ដំបង