ព័ត៌មានជាតិ
អនុសាខាកាកបាទក្រហមកម្ពុជា ផ្តល់អំណោយជនពិការ អ្នកផ្ទុកមេ រោគអេដស៍ ចាស់គ្មានទីពឹង ៥០គ្រួសារ
ប្រជាពលរដ្ឋជាជនពិការ អ្នកផ្ទុកមេរោគអេដស៍ ចាស់គ្មានទីពឹង ចំនួន ៥០គ្រួសារ រស់នៅក្នុងសង្កាត់ផ្សារដេប៉ូទី៣ ខណ្ឌ ទួលគោក រាជធានីភ្នំពេញ បានទទួលអំណោយពីគណៈកម្មាធិការអនុសាខាកាកបាទក្រហមកម្ពុជាខណ្ឌទួលគោក។

ការចុះសួរសុខទុក្ខ និង នាំយកអំណោយមនុស្សធម៌របស់កាកបាទក្រហមកម្ពុជា មកចែកជូនពលរដ្ឋជាជនពិការ អ្នកផ្ទុកមេរោគអេដស៍ ចាស់គ្មានទីពឹងទាំង៥០គ្រួសារនេះ បានធ្វើឡើងកាលពីព្រឹកថ្ងៃសៅរ៍ ទី១៧ ខែកក្កដា ឆ្នាំ២០២១ វេលាម៉ោង០៨និង៣០នាទី ក្រោមវត្តមានលោក ឯក ឃុនដឿន ប្រធានកិតិ្តយសអនុសាខាកាកបាទក្រហមខណ្ឌ លោកម៉ែន សិរី អនុប្រធានកិត្តិយសអនុសាខា លោកកែវ សុភា ប្រធានអនុសាខា និងក្រុមការងារ ព្រមទាំងមានការចូលរួមពីអាជ្ញាធរមូលដ្ឋាន សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។

ក្នុងឱកាសនោះដែរលោកឯក ឃុនដឿន បានពាំនាំមកនូវ ប្រសាសន៍ផ្តាំផ្ញើសួរសុខទុក្ខពីសំណាក់សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចជានិច្ចកាល តែងតែគិតគូរពីសុខទុក្ខរបស់បងប្អូនប្រជាពលរដ្ឋជួបការលំបាក អ្នកមានជំងឺ ជនងាយរងគ្រោះ និងជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ និងខិតខំថែរក្សាសុខភាពឲ្យបានល្អ វិធានការ៣ ការពារ និង ៣ កុំ។

អំណោយដែលប្រជាពលរដ្ឋទទួលបានក្នុងមួយគ្រួសារ មាន អង្ករចំនួន ០១បាវ ស្មើនឹង២៥គីឡូក្រាម មី ចំនួន ០១កេស ត្រីខកំប៉ុង០១យួរ ទឹកត្រី០១យួរថវិកា ចំនួន២០.០០០រៀល៕ អត្ថបទ៖ ស្រីរ័ត្ន

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី