ទុស្សេខ្សែភ្លើងឆេះផ្ទះ​ប្រជាពល​រដ្ឋមួយខ្នង​នៅកំពង់ឆ្នាំង

ផ្ទះមួយខ្នងរបស់ប្រជាពលរដ្ឋត្រូវបានអគ្គិភ័យឆាប់ឆេះខូចខាតអស់ទ្រព្យសម្បត្តិក្នុងផ្ទះទាំងស្រុងដោយសារការទុស្សេខ្សែ ភ្លើង។

គ្រោះអគ្គិភ័យខាងលើនេះបានកើតឡើងនៅវេលាម៉ោង៨ៈ៣០ ព្រឹកថ្ងៃទី ១៧ ខែកក្កដា ឆ្នាំ ២០២១ នៅក្នុងភូមិអូរ ឃុំពន្លៃ ស្រុកបរិបូណ៍ ខេត្តកំពង់ឆ្នាំង។

របាយការណ៍របស់អធិការដ្ថាននគរបាលស្រុកបរិបូណ៌បានឱ្យដឹងថា គ្រោះអគ្គិភ័យនេះបណ្ដាលឱ្យឆេះផ្ទះមួយខ្នងទំហំ ៩ម៉ែត្រ គុ ណនិង ៧ម៉ែត្រ ធ្វើអំពីឈើដំបូល ស័ង្កសី របស់ម្ចាស់ឈ្មោះ តឹក គឹមឡាយ ភេទប្រុស អាយុ ៦០ ឆ្នាំ រស់នៅភូមិអូរ ឃុំពន្លៃ ស្រុកបរិ បូណ៌ ដែលបណ្ដាលមកពីការទុស្សេចរន្តអគ្គិសនី។

គ្រោះអគ្គិភ័យនេះបានបង្ករការខូចខាត ឆេះប្រាក់ដុល្លារ ចំនួន ១៥០០ ដុល្លារ ប្រាក់រៀល ចំនួន ៣លានរៀល ស្រូវ ចំនួន ១ តោន អង្ករ ២០០ គីឡូក្រាម និងសម្ភារប្រើ ប្រាស់ក្នុងផ្ទះឆេះអស់ទាំងស្រុង។

ក្នុងករណីនេះរថយន្តអគ្គិភ័យរបស់អធិការរដ្ឋាននគរបាលស្រុកបរិបូណ៌បានចេញអន្តរាគមន៍បាញ់ពន្លត់ដោ យប្រើប្រាស់ទឹកអស់មួយរថយន្តផងដែរ ទើបទប់ស្កាត់ការឆេះរាល ដាលទៅផ្ទះអ្នកជិតខាង។

ដោយឡែក ក្នុងការជួយសង្គ្រោះរបស់រថយន្តពន្លត់អគ្គិភ័យនៃអធិ ការរដ្ឋាននគរបាលស្រុកបរិបូណ៌ ខាងលើនេះក៏ត្រូវ​រងការរិះគន់ពីប្រជាពលរដ្ឋផងដែរគឺកាំភ្លើងបាញ់ទឹកនៅលើរថយន្ត មានការរអាក់ រអួលបាញ់ទឹកមិនចេញថត ទើបការសង្គ្រោះផ្ទះដែលកំពុងតែឆេះនោះមានការយឺតយ៉ាវ តែនេះគឺជារឿងអចេតនា ដែលមិនត្រីនគរបាលយើងត្រូវចាត់ទុកជាបទពិសោធន៍។

សមត្ថកិច្ចនិងអាជ្ញាធរមូលដ្ឋានក៏អំពាវនាវផងដែរបើប្រជាពលរដ្ឋទាំងអស់សូមមេត្តាប្រុងប្រយ័ត្នក្នុងការប្រើប្រាស់ចរន្តអគ្គីសនីគួរតែមានដាក់ត្រង់សុីស្ទ័រ ដើម្បីការពារនិងផ្តា ច់ការឆ្លងចរន្ត ពេលមានការទុស្សេ ដើម្បីកុំឲ្យមានគ្រោះអគ្គិ ភ័យនិងវិបដិសារីនៅថ្ងៃក្រោយ៕ អត្ថបទ៖ ឈៀងថារិទ្ធ