ព័ត៌មានជាតិ

បើកផ្សារបានលុងឡើងវិញ ខណៈបិទអស់រយៈពេល១៤ថ្ងៃ ក្រោយផ្ទុះកូវីដ១៩

បានផុស

៤ years មុន

នៅ

ថ្ងៃសៅរ៍ ១៧ កក្កដា ២០២១

ដោយ

រដ្ឋបាលខេត្តរតនគិរី ចេញសេចក្តីសម្រេចស្ដីពីការបញ្ចប់ការបិទ និងបើកឲ្យដំណើរការឡើងវិញនៃផ្សារបានលុង ក្រោយបិទផ្សារអស់រយៈពេល១៤ថ្ងៃ ដែលជាប់ពាក់ព័ន្ធជាមួយកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រការ១. ត្រូវបានបញ្ចប់ការបិទនិងបើកឲ្យដំណើរការឡើងវិញផ្សារបានលុង ដែលស្ថិតនៅក្នុងភូមិជ័យជំនះ សង្កាត់ឡាបានសៀក ក្រុងបានលុង ដែលបានបន្តសម្រេចបិទជាបណ្ដោះអាសន្ន ដូចមានចែងក្នុងប្រការ២ នៃសេចក្តីសម្រេចលេខ 047/21 ស.ស.រ ចុះថ្ងៃព្រហស្បតិ៍ទី៩ ខែកក្កដា ឆ្នាំ២០២១ មួយរបស់រដ្ឋបាលខេត្តរតនគិរី។

– ប្រការ២. ក្រោយពីបើកឡើងវិញអ្នកដែលពាក់ព័ន្ធនិងទីតាំងខាងលើ ដែលបានផ្ដល់វត្ថុសំណាក ទៅវិភាគរកមេរោគកូវីដ១៩ ហើយមានលទ្ធផលអវិជ្ជមាន ត្រូវបន្តធ្វើចត្តាស័កនៅលំនៅឋានរបស់ខ្លួនរយៈពេល១៤ថ្ងៃ ដោយត្រូវអនុវត្តបទបញ្ជាផ្ទៃក្នុង សម្រាប់អ្នកធ្វើចត្តាឡីស័ក ព្រមទាំងអនុវត្តឲ្យបានម៉ឺងម៉ាត់ តាមវិធានការសុខាភិបាលនិងការអនុវត្តជាប្រចាំនូវវិធានការ”3ការពារ 3កុំ” របស់សម្ដេចតេជោ នាយករដ្ឋមន្ត្រី ដឹងសេចក្តីណែនាំរបស់ក្រសួងសុខាភិបាល។