ព័ត៌មានជាតិ
ឃាត់ខ្លួនបុរសម្នាក់ករណី ប្រើប្រាស់សំលៀកបំពាក់សមត្ថកិច្ច ក្លែងក្លាយ និងក្លែងបន្លំឯកសារសាធារណៈ
ភ្នំពេញ ៖ នគរបាលខណ្ឌដង្កោឃាត់ខ្លួនបុរសម្នាក់តាមដីកាតុលាការ ពាក់ព័ន្ធបទល្មើស ឆបោក, ប្រើប្រាស់ដោយខុសច្បាប់នូវសំលៀកបំពាក់ជាអាទិ៍សម្រាប់អាជ្ញាធរសាធារណៈ និងក្លែងបន្លំឯកសារសាធារណៈ ប្រព្រឹត្តនៅរាជធានីភ្នំពេញ អំឡុងខែកញ្ញា ឆ្នាំ២០២០ និងអំឡុងខែមិថុនា ឆ្នាំ២០២១។
ជនសង្ស័យឈ្មោះ នាង ណុយ ( ហៅ ) ម៉ាប់ ភេទប្រុស អាយុ៣៩ឆ្នាំ មុខរបរនៅផ្ទះ ទីលំនៅភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ ត្រូវសមត្ថកិច្ចឃាត់ខ្លួន កាលពីថ្ងៃទី១៦ ខែកក្កដា ឆ្នាំ២០២១ វេលាម៉ោង១២ និង៣០នាទី នៅចំណុចភូមិវិហារសួគ៌ ឃុំវិហារសួគ៌ស្រុកខ្សាច់កណ្តាល ខេត្តកណ្តាល។
នគរបាលខណ្ឌដង្កោប្រាប់បញ្ជាក់ឲ្យដឹងថា កាលពីថ្ងៃទី០៨ ខែមិថុនា ឆ្នាំ២០២១ វេលាម៉ោង១៤ និង៤០នាទី ជនរងគ្រោះឈ្មោះ អៀ សៅរី ភេទស្រី អាយុ២៩ឆ្នាំ បានជិះរថយន្តឈ្នួលពីផ្ទះស្ថិតនៅភូមិបាកាន ឃុំត្រពាំងជង ស្រុកបាកាន ខេត្តពោធិ៍សាត់ មកសួរសុខទុក្ខឈ្មោះ សុង វិច្ឆិកា ភេទប្រុស អាយុ២៩ឆ្នាំ (ត្រូវជាប្តីរបស់ជនរងគ្រោះ ) ដែលត្រូវបានសមត្ថកិច្ចនគរបាលខណ្ឌដង្កោឃាត់ខ្លួនពីបទលួច កំពុងឃុំខ្លួនបណ្តោះអាសន្ននៅអធិការដ្ឋាន នគរបាលខណ្ឌដង្កោ។ ពេលជនរងគ្រោះឈ្មោះ អៀ សៅរី មកដល់ភ្នំពេញ ក៏បានហៅកង់បីជិះមកអធិការដ្ឋាននគរបាលខណ្ឌដង្កោ ហើយបុរសម្នាក់មិនស្គាល់ឈ្មោះ អាយុ ៣៥ឆ្នាំ (ជាអ្នករត់កង់បី) ប្រើលេខទូរស័ព្ទ ០៩៦ ៩៩ ៩៦ ២៥៥ ក៏បាននិយាយប្រាប់ជនរងគ្រោះឈ្មោះ អៀ សៅរី ថា បើចង់ជួយប្តីឱ្យចេញមានសេរីភាព ឈ្មោះ នាង ណុយ ហៅ ម៉ាប់ ភេទប្រុស អាយុ៣៩ឆ្នាំ ប្រើលេខទូរស័ព្ទ ០៩៧ ៧៧ ៥១ ៦៦៩ អាចជួយឲ្យរួចខ្លួនបាន។
ពេលនោះជនរងគ្រោះ ឈ្មោះ អៀ សៅរី ក៏បានទាក់ទងតាមលេខទូរសព្ទខាងលើទៅជួបជនសង្ស័យឈ្មោះ នាង ណុយ ហៅ ម៉ាប់ នៅមុខសាលាខណ្ឌដង្កោ ដែលមានទីតាំងនៅជាប់និងរបងអធិការដ្ឋាននគរបាលខណ្ឌដង្កោ តាមផ្លូវ២១៧ ស្ថិតនៅភូមិថ្មីដែរ។ ពេលជនរងគ្រោះឈ្មោះ អៀ សៅរី បានជួបជនសង្ស័យ រួចជនសង្ស័យប្រាប់ជនរងគ្រោះឈ្មោះ អៀ សៅរី ថា រូបគេ (ជនសង្ស័យ) ជាមន្ត្រីនគរបាលនៅផ្នែកនគរបាលយុត្តិធម៌ នៃអធិការដ្ឋាននគរបាលខណ្ឌដង្កោ មានឋានន្តរសក្តិ អនុសេនីយ៍ឯក ដោយបានបង្ហាញកាតសម្គាល់ខ្លួននគរបាលជាតិ ឱ្យជនរងគ្រោះឈ្មោះ អៀ សៅរី ឃើញ រួចនិយាយទារលុយចំនួន៣០០០ ដុល្លារអាមេរិកពីជនរងគ្រោះ ដើម្បីយកទៅជួបអធិការរងទទួលបន្ទុកផែននគរបាលយុត្តិធម៌ ជាថ្នូរ នឹងការដោះលែងឈ្មោះ សុង វិច្ឆិកា ឱ្យមានសេរីភាពវិញ។
បន្ទាប់មកជនរងគ្រោះឈ្មោះ អៀ សៅរី ក៏បានតថ្លៃឱ្យតម្លៃចំនួន ១៧០០ ដុល្លារអាមេរិក រួចក៏មានការឯកភាពគ្នា ហើយជនរងគ្រោះក៏បានប្រគល់លុយ ចំនួន២,៤០០,០០០រៀល ឱ្យទៅជនសង្ស័យ សិន រួចនៅថ្ងៃទី២៥ ខែឧសភា ឆ្នាំ២០២១ ជនរងគ្រោះឈ្មោះ អៀ សៅរី ក៏បានផ្ញើលុយតាមវីងចំនួន ១,២០០,០០០ រៀល (មួយលានពីរសែនរៀល) ឱ្យទៅជនសង្ស័យ តាមលេខ 0977751669, នៅថ្ងៃទី២៦ ខែឧសភា ឆ្នាំ២០២១ ជនរងគ្រោះឈ្មោះ អៀ សៅរី បានផ្ញើលុយតាមវីងឱ្យទៅជនសង្ស័យចំនួន ៤០០,០០០រៀល(បួនសែនរៀន) រហូតដល់ថ្ងៃទី០១ខែមិថុនា ឆ្នាំ២០២១។
បន្ទាប់ពីជនសង្ស័យបានទទួលលុយពីជនរងគ្រោះឈ្មោះ អៀ សៅរី រួចក៏ធ្វើការទំនាក់ទំនងគ្នាលែងបាន បិទទូរស័ព្ទគេចខ្លួនបាត់ ហើយជនរងគ្រោះឈ្មោះ អៀ សៅរី ក៏បានមករាយការណ៍ ប្រាប់សមត្ថកិច្ច និងដាក់ពាក្យបណ្តឹងនៅអធិការដ្ឋាននគរបាលខណ្ឌដង្កោ ។ លុះដល់ថ្ងៃទី២០ ខែមិថុនា ឆ្នាំ២០២១ ក៏មានជនរងគ្រោះម្នាក់ទៀត ឈ្មោះ សំ សម្បត្តិ ភេទស្រី អាយុ៤៧ឆ្នាំ បានមករាយការណ៍ និងដាក់ពាក្យបណ្តឹងទៅ លើជនសង្ស័យឈ្មោះ នាង ណុយ ហៅ ម៉ាប់ ពីបទ ឆបោក (លុយចំនួន ២៤០០ដុល្លារអាមេរិក) ដើម្បីយកទៅរត់ការផ្ទេរកម្មសិទ្ធដី និងផ្ទះសម្បែង ឱ្យជនរងគ្រោះ ឈ្មោះ សំ សម្បត្តិ កាលពី ខែកញ្ញា ឆ្នាំ២០២០ នៅត្រង់ចំណុចផ្ទះលេខ២៧P ផ្លូវលេខ៤ បុរី លឹម ឈាងហាក់ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។ ក្រោយពីជនសង្ស័យទទួលយកលុយចំនួន និងឯកសារពាក់ព័ន្ធការកាត់ផ្ទេរកម្មសិទ្ធផ្ទះសម្បែងពីជនរងគ្រោះឈ្មោះ សំ សម្បត្តិ រួចក៏បានគេចខ្លួនបាត់។
នគរបាលខណ្ឌដង្កោប្រាប់បន្តឲ្យដឹងថា សំណុំរឿងនេះសមត្ថកិច្ចបានធ្វើរបាយការណ៍សុំដីកាបញ្ជាឱ្យចូលខ្លួនលេខ០០២/២១របក ចុះថ្ងៃទី៣០ ខែមិថុនា ឆ្នាំ២០២១ លើជនសង្ស័យឈ្មោះ នាង ណុយ ហៅ ម៉ាប់ ទៅសាលាដំបូងរាជ ធានីភ្នំពេញ ហើយលោកស្រី សុង ឆវ័ន្ត ព្រះរាជអាជ្ញារង នៃអយ្យការអមសាលាដំបូងរាជធនីភ្នំពេញ បានចេញដីកាបញ្ជាឱ្យចូលខ្លួនលេខ១៨៥ អ.យ.ថ ចុះថ្ងៃទី០៧ ខែកក្កដា ឆ្នាំ២០២១ លើជនសង្ស័យឈ្មោះ នាង ណុយ ហៅ ម៉ាប់ ឱ្យបានមុនថ្ងៃទី២៩ ខែកក្កដា ឆ្នាំ២០២១ ។ នៅថ្ងៃទី១៦ ខែកក្កដា ឆ្នាំ២០២១ វេលាម៉ោង១២ និង៣០នាទី សមត្ថកិច្ចនគរបាលខណ្ឌដង្កោ បានធ្វើការស្រាវជ្រាវឃាត់ខ្លួនជនសង្ស័យឈ្មោះ នាង ណុយ ហៅ ម៉ាប់ នៅចំណុចភូមិវិហារសួគ៌ ឃុំវិហារសួគ៌ស្រុកខ្សាច់កណ្តាល ខេត្តកណ្តាល យកមកធ្វើការសាកសួរនៅអធិការដ្ឋាននគរបាលខណ្ឌដង្កោ ដើម្បីចាត់ការតាមនីតិវិធី៕
ដោយ ៖ រ៉ាវុទ្ធ
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
រដ្ឋាភិបាលថៃដោះលែងអតីតរដ្ឋមន្ត្រីពាណិជ្ជកម្មដែលជាប់ទោសក្នុងរដ្ឋាភិបាលលោកប្រាយុធ
ឡេង ណូរ៉ា និង រ៉េត លីហេង ជាកីឡាករក្មេងជាងគេក្នុងក្រុមជម្រើសជាតិ
ថ្នាក់ដឹកនាំខេត្តស្វាយរៀង ប្រាប់កងរាជអាវុធហត្ថទើបជ្រើសរើសថ្មី ត្រូវការពារឱ្យបាននូវសុខសន្តិភាព និងរាជរដ្ឋាភិបាលស្របច្បាប់
ចិន៖ ការលក់អាវុធអាមេរិកឲ្យតៃវ៉ាន់ ធ្វើឲ្យខូចទំនាក់ទំនងក្រុងវ៉ាស៊ីនតោន-ប៉េកាំង
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
-
សន្តិសុខសង្គម៤ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ២ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៧ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៦ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៥ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ២ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច១ សប្តាហ៍ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល