ព័ត៌មានជាតិ

បាត់ដំបងថ្ងៃនេះមានអ្នកជាសះស្បើយហួសពីការស្មាន តែអ្នកឆ្លងក៏មិនថមថយដែរ

បានផុស

៤ years មុន

នៅ

ថ្ងៃសៅរ៍ ១៧ កក្កដា ២០២១

ដោយ

បាត់ដំបង ៖ ថ្ងៃនេះគឺជាលើកដំបូងហើយដែលមានអ្នកជាសះស្បើយរហូតជាង១០០នាក់ បើតាមសេចក្តីប្រកាសព័ត៌មានរបស់រដ្ឋបាលខេត្តបាត់ដំបង នាយប់ថ្ងៃទី១៧ ខែកក្កដា ឆ្នាំ២០២១នេះ បានបញ្ជាក់ថា នៅថ្ងៃនេះ រដ្ឋបាលខេត្តបានរកឃើញអ្នកឆ្លងជំងឺកូវីដ-១៩ បន្ថែមថ្មីចំនួន ៥៨ នាក់ ដែលក្នុងនោះអ្នកពាក់ព័ន្ធនឹងព្រឹត្តិការណ៍ សហគមន៍២០កុម្ភៈមានចំនួន ៤៨ នាក់ និងពលករមកពីប្រទេសថៃចំនួន ១០ នាក់ ព្រមទាំងមានអ្នកជាសះស្បើយរហូតដល់ចំនួន ១០៨ នាក់ និងស្លាប់ ២ នាក់ បន្ថែមទៀតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តបាត់ដំបងបានបង្ហាញតួលេខរួមឲ្យដឹងថា បើគិតមកទល់នឹងថ្ងៃទី១៧ កក្កដានេះ ខេត្តបាត់ដំបងមានអ្នកផ្ទុកមេរោគកូវីដ-១៩សរុបចំនួន ១.៨៩៨ នាក់ មានអ្នកជាសះស្បើយសរុបចំនួន ១.០៥១ នាក់ ស្លាប់បានកើនឡើងរហូតដល់ចំនួន ១៩ នាក់ និងអ្នកដែលកំពុងសម្រាកព្យាបាលនៅក្នុងមន្ទីរពេទ្យបង្អែកខេត្តមានចំនួន ៨២៨ នាក់៕

ដោយ ៖ សោ និយមរ័ត្ន