ព័ត៌មានជាតិ

ខេត្តស្ទឹងត្រែងរកឃើញអ្នកឆ្លងកូវវីដ១៩ ត្រឹមតែ២នាក់ និងមានអ្នកជាសះស្បើយរហូត៦៥នាក់

បានផុស

៤ years មុន

នៅ

ថ្ងៃអាទិត្យ ១៨ កក្កដា ២០២១

ដោយ

រដ្ឋបាលខេត្តស្ទឹងត្រែង រកឃើញអ្នកឆ្លងជំងឺកូវីដ-១៩ ត្រឹមតែ២នាក់ប៉ុណ្ណោះ ពាក់ព័ន្ធនឹងព្រឹត្តិការណ៍២០កុម្ភ: និងមានអ្នកជាសះស្បើយរហូតដល់៦៥នាក់ គិតត្រឹមម៉ោង៥និង០០ នាទីរសៀលថ្ងៃទី១៧ ខែកក្កដា ឆ្នាំ២០២១នេះ។

ក្រុមគ្រូពេទ្យបញ្ជាក់ថា ជំងឺកូវីដ១៩ ទោះឆ្លងតិចឬច្រើន យើងនៅតែបន្តរកឃើញ ជារៀងរាល់ថ្ងៃ ក្នុងភូមិសាស្ត្រខេត្តស្ទឹងត្រែង រួមជាមួយភូមិឃុំមួយចំនួនផងដែរ។ ក្រុំគ្រូពេទ្យនៅតែបន្តស្រាវជ្រាវរកអ្នកដែលបានប៉ះផ្ទាល់ជាមួយអ្នកវិជ្ជមានកូវីដ១៩ ដើម្បីយកសំណាកវិភាគតេស្តរហ័ស ដើម្បីរកមេរោគនេះចៀសវាងឆ្លងរីករាលដាលបន្តទៀត និងជីវភាពរស់របស់បងប្អូន វិលទៅរកសភាពដើមវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តស្ទឹងត្រែងសង្ឃឹមយ៉ាងមុតមាំថា អ្វីដែលយើងគ្រប់គ្នាអាចយកឈ្នះជំងឺកូវីដ១៩បាននោះ គឺមានតែប្រជាពលរដ្ឋយើងទាំងអស់ នាំគ្នាចូលរួមអនុវត្តវិធានការសុខាភិបាល ៣ការពារ-៣កុំ ឲ្យបានខ្ជាប់ខ្ជួនជាពិសេស គឺការពាក់ម៉ាស និងលាងសំអាតដៃនិងអាល់កុល ឬសាប៊ូជាប់ជាប្រចាំ និងរក្សាគម្លាតសុវត្ថិភាព។

គ្រូពេទ្យជំនាញបញ្ជាក់ថា អ្នកជាសះស្បើយទាទាំ៦៥នាក់ ត្រូវបានអនុញ្ញាតឲ្យចេញពីមណ្ឌលព្យាបាល និងត្រូវបន្ដធ្វើចត្តាឡីស័កនៅផ្ទះដោយខ្លួនឯងរយៈពេល១៤ថ្ងៃបន្ថែមទៀត។

គិតត្រឹមម៉ោង៥និង០០ នាទីរសៀលថ្ងៃទី១៧ ខែកក្កដា នេះ រដ្ឋបាលខេត្តស្ទឹងត្រែងបានរកឃើញអ្នកឆ្លងកូវីដ១៩ សរុប៤៤៩នាក់ ជាសះស្បើយ២៨៥នាក់ ស្លាប់១ អ្នកកំពុងសម្រាកព្យាបាល១៦៤នាក់៕

អត្ថបទ ៖ ងិនលីម