ព័ត៌មានជាតិ
ខេត្តកណ្តាលចាក់វ៉ាក់សាំងដល់ពលរដ្ឋគោលដៅបានជិត១០០ភាគរយហើយ
រហូតមកដល់ពេលនេះ ខេត្តកណ្តាលបានចាក់វ៉ាក់សាំងការពារជំងឺកូវីដ១៩ដល់ប្រជាពលរដ្ឋនិងកម្មករនិយោជិតបានជិត១០០ភាគរយហើយ ធៀបនឹងគោលដៅជិត៦០ម៉ឺននាក់។
លោកវេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាលបានមានប្រសាសន៍នៅព្រឹកថ្ងៃទី១៨ ខែកក្កដានេះថា ខេត្តកណ្តាលបានចាប់ផ្តើមបើកយុទ្ធនាការចាក់វ៉ា់ក់សាំងការពារជំងឺកូវីដ១៩ទៅលើប្រជាពលរដ្ឋ និងកម្មករកម្មការិនីរោងចក្រចំនួន៥៩៩,២៥១នាក់ ចាប់ពីថ្ងៃទីថ្ងៃទី១០ ខែមិថុនា ឆ្នាំ២០២១ហើយរហូតមកដល់ថ្ងៃទី១៧ ខែកក្កដានេះ មានអ្នកចាក់វ៉ាក់សាំងដូសទី១បានចំនួន៩៨ភាគរយ ខណៈអ្នកចាក់ដូសទី២បាន៨៩ភាគរយ។
លោកវេជ្ជបណ្ឌិតបានបន្តថា ពីដំបូងការចាក់វ៉ាក់សាំងនេះ នឹងចាក់សម្រាប់ដូសទី១ចាប់ពីថ្ងៃទី១០ដល់ថ្ងៃទី២៤ ខែមិថុនា ឆ្នាំ២០២១ និងសម្រាប់ដូសទី២ ចាប់ពីថ្ងៃទី២៥មិថុនាដល់ថ្ងៃទី៨ ខែកក្កដា ឆ្នាំ២០២១។
លោកវេជ្ជបណ្ឌិត បានបន្តទៀតថា«ឥឡូវនេះយើងបានកែសម្រួលតាមការណែនាំរបស់ក្រសួងសុខា ភិបាលដោយចាក់ដូសទី១ទៅដូសទី២មានគម្លាតរយៈពេល២០ថ្ងៃវិញ ខណៈលើកមុនមានគម្លាតត្រឹម១៤ថ្ងៃប៉ុណ្ណោះ»។
យ៉ាងណាក៏ដោយ ក្រុមការងារនៅបន្តចាក់ដល់ប្រជាពលរដ្ឋនិងកម្មករនិយោជិតដែលនៅសេសសល់ជាបន្តទៀត ដើម្បីធ្វើយ៉ាងណាឱ្យដំណើរការចាក់វ៉ាក់សាំងបានគ្រប់ចំនួនតាមផែនការ។
លោកវេជ្ជបណ្ឌិតបានអំពាវនាវដល់ប្រជាពលរដ្ឋ និងកម្មករនិយោជិតដែលនៅមិនទាន់បានចាក់ដូសទី១សូមរួនរាន់មកចាក់នៅតាមទីតាំងដែលអាជ្ញាធរបានកំណត់។ ចំណែកអ្នកចាក់ដូសទី១រួចហើយត្រូវមក ចាក់ដូសទី២ឱ្យបានមុន២៨ថ្ងៃ នៃថ្ងៃចាក់ដូសទី១ព្រោះថាបើហួស២៨ថ្ងៃនឹងត្រូវចាត់ជាអាសាបង់។
ទន្ទឹមនឹងនេះ លោកវេជ្ជបណ្ឌិតបានស្នើឱ្យអាជ្ញាធរមូលដ្ឋានជួយជំរុញដល់ប្រជាពលរដ្ឋនិងកម្មករនិយោ ជិតដែលនៅមិនទាន់បានចាក់វ៉ាក់សាំងដូសទី១ និងដូសទី២មកទទួលវ៉ាក់សាំងឱ្យបានគ្រប់ៗគ្នា ដើម្បីបង្កើតភាពស៊ាំនៅក្នុងសហគមន៍កាត់បន្ថយការចម្លងជំងឺកូវីដ១៩នៅក្នុងភូមិសាស្ត្រខេត្តកណ្តាលឱ្យកាន់តែថយចុះខណៈបច្ចុប្បន្នការឆ្លងនៅតែមានអ្នកឆ្លងជាបន្តបន្ទាប់នៅឡើយ។
គួរបញ្ជាក់ថា បច្ចុប្បន្ននេះក្រុមការងារចាក់វ៉ាក់សាំងការពារជំងឺកូវីដ១៩កំពុងដំណើរការចាក់វ៉ាក់សាំងជូនដល់ប្រជាពលរដ្ឋនៅទូទាំងប្រទេស ហើយខណៈរាជធានីភ្នំពេញបានបិទបញ្ចប់យុទ្ធនាការកាលពីថ្ងៃទៅ០៨កក្កដាឆ្នាំ២០២១កន្លងទៅ៕
អត្ថបទ ៖ សំអឿន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ