អគ្គិភ័យឆាបឆេះផ្ទះសមាជិកសហគមន៍ព្រៃឈើប្រាំបីមុមទាំងស្រុង

ខេត្តកំពង់ស្ពឺ៖ លំនៅដ្ឋានមួយខ្នងរបស់សមាជិកសហគមន៍ព្រៃឈើប្រាំបីមុំ ត្រូវបានអគ្គិភ័យឆាបឆេះអស់ទាំងស្រុងដោយសង្ស័យបណ្តាលមកពីដុតធូបថ្ងៃសីល។

ហេតុការណ៍គ្រោះអគ្គិភ័យខាងលើនេះ បានកើតកាលពីយប់រំលងអធ្រាត្រឈានចូលថ្ងៃទី១៨ ខែកក្តដា ឆ្នាំ២០២១នេះ ស្ថិតនៅភូមិថ្នល់កែង ឃុំប្រាំបីមុម ស្រុកថ្ពង ខេត្តកំពង់ស្ពឺ។

អាជ្ញាធរមូលដ្ឋាន បានប្រាប់ឱ្យដឹងថា លំនៅដ្ឋានមួយខ្នងដែលត្រូវបានអគ្គិភ័យឆាបឆេះ រស់នៅភូមិ-ឃុំខាងលើ ត្រូវបានឆេះអស់ទាំងស្រុងក្នុងមួយប៉ព្រិចភ្នែកប៉ុណ្ណោះ។ ប្រភពបន្តថា ចំពោះម្ចាស់ផ្ទះរងគ្រោះជាសមាជិកសហគមន៍ព្រៃឈើប្រាំបីមុម។

ចំពោះមូលហេតុ តាមការសន្និដ្ឋានបឋម អគ្គិភ័យខាងលើអាចបណ្ដាលមកពីការដុតធូបនៅថ្ងៃសីល ឬអាចមកពីចរន្ធអគ្គីសនី បណ្តាលឱ្យរងការខូចខាតទ្រព្យសម្បត្តិទាំងស្រុង។ ផ្ទះជនរងគ្រោះធ្វើអំពីឈើលើក្រោមថ្ម ប្រក់ក្បឿង៕

អត្ថបទ៖ ភួង រដ្ឋា