ព័ត៌មានជាតិ

កសិករខេត្តឧត្តរមានជ័យ កំពុងប្រឈមខ្វះខាតម៉ាស៊ីនច្រូតកាត់ប្រមូលផលស្រូវ

បានផុស

៥ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

លោក ប៉ែន កុសល អភិបាលខេត្តឧត្តរមានជ័យបានថ្លែងឲ្យដឹងនាព្រឹកថ្ងៃទី ២៣ ខែ វិច្ឆិកា ២០២០ ថា ប្រជាកសិករខេត្តឧត្តរមានជ័យ កំពុងប្រឈមបញ្ហា ប្រមូលផលដោយសារខ្វះម៉ាស៊ីនច្រូត ខណៈការប្រមូលផលស្រូវកំពុងមមាញឹកដោយស្រូវប្រមាណ ៤១,៤៨០ ហិកតា កំពុងទុំ និងទាមទារការច្រូតកាត់ឲ្យបានលឿន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ែន កុសល ថ្លែងឲ្យដឹងបែបនេះ ខណៈរូបលោកកំពុងរួមដំណើរជាមួយលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដែលបានអញ្ជើញចុះ ពិនិត្យរកមើលទីតាំងថ្មីដែលត្រូវបង្កើតមជ្ឈមណ្ឌលផលិតពូជស្រូវនៅក្នុងខេត្តឧត្តរមានជ័យ និង ពិនិត្យមើលសកម្មភាពប្រមូលផលស្រូវរដូវរស្សា របស់ប្រជាកសិករនៅ ឃុំពង្រ ស្រុកចុងកាល់។

តាមការឲ្យដឹងរបស់លោកអភិបាលខេត្ត នៅរដូវរស្សាកន្លងមក ខេត្តសម្រេចបង្កបង្កើនផលស្រូវស្រាលដើមរដូវ ស្រូវកណ្ដាល និងស្រូវធ្ងន់ បានចំនួន ៩៥,៧៨៦ ហិកតា ហើយបច្ចុប្បន្នកំពុងមមាញឹកប្រមូលផលស្រូវជាបណ្តើរៗសរុបបានចំនួន៤១,៤៨០ ហិចតា គិតមកទល់ថ្ងៃទី១៧ ខែវិច្ឆិកា ២០២០ហើយអ្វីដែលប្រជាកសិករកំពុងប្រឈម គឺប្រមូលផលមិនទាន់ ដោយសារខ្វះម៉ាស៊ីនច្រូតកាត់ ដែលអាចបង្កការខូចខាតនិងបាត់បង់ទិន្នផលស្រូវ ៕

អត្ថបទ ៖ ណារី