ព័ត៌មានជាតិ

បុរសខ្មែរម្នាក់ធ្វើដំណើរមកពីថៃ លទ្ធផលមានកូវីដ១៩ ស្រាប់តែរត់គេចខ្លួនបាត់

បានផុស

៤ years មុន

នៅ

ថ្ងៃចន្ទ ១៩ កក្កដា ២០២១

ដោយ

អនុគណៈកម្មការស្រាវជ្រាវកូវីដ ១៩ បានរាយការណ៍ករណីមានអ្នកដំណើរមកពីថៃជាជនជាតិខ្មែរម្នាក់ បានរត់គេចពីមណ្ឌលចត្តាឡីស័ក ខណៈអាជ្ញាធរកំពុងស្រាវជ្រាវរកជនសង្ស័យ។

បើតាមប្រភពពីអនុគណៈកម្មការស្រាវជ្រាវកូវីដ ១៩ បុរសរូបនេះមានឈ្មោះ ធឿន ប៊ុនពេជ្រ ភេទ ប្រុស អាយុ ៣០ឆ្នាំ មានទីលំនៅភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

បុរសឈ្មោះ ធឿន ប៊ុនពេជ្រ គឺជាពលករមកពីប្រទេសថៃ បានធ្វើតេស្ដរកឃើញវិជ្ជមានមេរោគកូវីដ១៩ (មិនទាន់ត្រូវបានបញ្ជាក់ថា ជាមេរោគប្រភេទថ្មីដែលតានៅឡើយ)។ មុនពេលចេញលទ្ធផល បុគ្គលខាងលើបានរត់គេចចេញពីមណ្ឌលចត្តាឡីស័កកាលថ្ងៃទី ១៦ ខែកក្កដា ឆ្នាំ២០២១។

អាជ្ញាធរសំណូមពរដល់ពលរដ្ឋ មានការប្រុងប្រយ័ត្ន និងរាយការណ៍ទៅអាជ្ញាធរមូលដ្ឋាន ប្រសិនបើដឹងពីដំណើររបស់បុគ្គលខាងលើ ឬអ្នកដែលបានពាក់ព័ន្ធ ជាមួយបុគ្គលខាងលើនេះ សូមតាមដាន សុខភាព របស់ខ្លួន ឬ ប្រសិនបើមានអាការៈ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមប្រញាប់ទៅធ្វើតេស្ដ៕