ព័ត៌មានជាតិ

ផ្ទះប្រជាពលរដ្ឋនិងដើមឈើដាំក្នុងសួនច្បារ រងការខូចខាតដោយភ្លៀងនិងខ្យល់កន្ត្រាក់

បានផុស

៣ years មុន

នៅ

ថ្ងៃចន្ទ ១៩ កក្កដា ២០២១

ដោយ

កំពង់ឆ្នាំង ៖ ភ្លៀងនិងខ្យល់កន្ត្រាក់បណ្ដាលឲ្យផ្ទះ៥ខ្នង និងដើមឈើដាំក្នុងសួនច្បារសម្ដេចចៅហ្វាវាំងគង់សំអុលជាច្រើនដើម បានរងការខូចខាត។ ហេតុការណ៍នេះបានកើតឡើងនៅល្ងាចថ្ងៃទី ១៨ ខែកក្កដា ឆ្នាំ២០២១ នៅក្នុងក្រុងកំពង់ឆ្នាំង និងស្រុកកំពង់លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរក្រុងកំពង់ឆ្នាំងបានឲ្យដឹងថា សួនច្បារសម្ដេចចៅហ៊្វាវាំងគង់សំអុលសុទ្ធ ស្ថិតក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង នៅព្រឹកថ្ងៃទី ១៩ ខែកក្កដានេះរដ្ឋបាលក្រុងកំពង់ឆ្នាំង សហការជាមួយរដ្ឋ បាលខេត្តកំពង់ឆ្នាំង បានសហការគ្នាចុះលើកដើមឈើដាំឡើងវិញ ដោយទិញបង្គោលឈើមកចង ទប់លំនឹង ដែលមានសរុបចំនួន២១ ដើម ក្នុងនោះមានដើមធ្នុង ដើមបេង និងដើមចំប៉ីផងដែរ ។ ក្រៅ ពីនោះមានដើមឈើធំៗ ចំនួន២ ដើមទៀតដែលមិនអាចលើកដោយដៃបាន ត្រូវរង់ចាំគ្រឿងចក្រមកលើកបញ្ឈរ និងត្រូវជីកដាំឡើងវិញ។

មន្ត្រីជំនាញដែលចូលរួម ដាំដើម ឈើដែលបានរលំ បាននិយាយថា មានដើមឈើខ្លះ ត្រូវបានគេដាំទាំងការ៉ុងដែលវេចខ្ចប់ឬស ដោយមិនស្រាយឬហែកការុងចេញទេ ធ្វើឲ្យដើមឈើមិនអាចចាក់ឫសបា នឡើយ បញ្ហានេះមានការដាក់បន្ទុ កដល់អ្នកសាងសង់សួនច្បារផងដែរថា ធ្វើឲ្យតែរួចពីដៃគឺដាំមិនជ្រៅ។

ករណីភ្លៀងនិងខ្យល់កន្ត្រាក់ បណ្ដាលឲ្យរងការខូចខាតផ្ទះប្រជាពលរដ្ឋ ដែលគិតត្រឹមម៉ោង ៤ល្ងាចថ្ងៃទី១៩ ខែកក្កដានេះ សាខាកាកបាទក្រហមនៅមិនទាន់ទទួលទូរលេខសរុបនៅឡើយទេ។ ប៉ុន្តែបើយោងតាមរបាយការណ៍របស់ស្នងការដ្ឋាននគរបាលខេត្តបានឲ្យដឹងថា ផ្ទះចំនួន ៥ ខ្នងក្នុង ឃុំសំរោងសែន និងឃុំស្វាយរំពារ ស្រុកកំពង់លែង រួមទាំងសាលា បឋមសិក្សាមួយផងបានរងការខូច ខាត ដោយសារខ្យល់កន្ត្រាក់នេះផងដែរ៕

ដោយ ៖ ឈៀងថារិទ្ធ