ព័ត៌មានជាតិ
ក្រសួងកសិកម្មអះអាងថា ក្រសួងមិនបានផ្តល់សិទ្ធិឱ្យក្រុមហ៊ុនណាមួយនាំជ្រូកពីថៃចូលមកកម្ពុជាផ្តាច់មុខនោះទេ
ក្រសួងកសិកម្មរុក្ខាប្រមាញ់និងនេសាទ បានអះអាងថា រហូតមកដល់បច្ចុប្បន្ននេះ ក្រសួងមិនដែលបានផ្តល់សិទ្ធិផ្តាច់មុខឱ្យក្រុមហ៊ុនណាមួយនាំជ្រូកពីប្រទេសថៃចូលមកកម្ពុជានោះឡើយ ប្រសិនបើក្រុមហ៊ុនណាមួយមានបំណងចង់ធ្វើពាណិជ្ជកម្មនាំចូលជ្រូករស់អាចដាក់ពាក្យស្នើសុំ ដោយត្រូវបំពេញតាមវិធានការដែលជាការតម្រូវឱ្យអនុវត្តនីតិវិធី និងវិធានបច្ចេកទេសចំនួន១២ចំណុច រវាងអគ្គនាយកដ្ឋានសុខភាពសត្វនិងផលិតកម្មសត្វកម្ពុជា ជាមួយនាយកដ្ឋានអភិវឌ្ឍន៍ការចិញ្ចឹមសត្វ (DLD)នៃប្រទេសថៃ។
ការលើកឡើងរបស់ក្រសួងនេះ ធ្វើឡើងបន្ទាប់ពីមួយរយៈកន្លងមកនេះ មានការផ្សព្វផ្សាយក៏ដូចជាការអត្ថាធិប្បាយខុសពីការពិតមកលើក្រសួងកសិកម្មថា បានផ្ដល់សិទ្ធិផ្ដាច់មុខដល់ការធ្វើពាណិជ្ជកម្មជ្រូករស់ពីប្រទេសថៃ ដែលធ្វើឲ្យប៉ះពាល់ដល់តម្លៃនិងខាតបង់ដល់អ្នកវិនិយោគលើវិស័យចិញ្ចឹមជ្រូកនៅក្នុងប្រទេស។
បើតាមសេចក្តីប្រកាសព័ត៌មានរបស់អគ្គនាយកដ្ឋានសុខភាពសត្វ និងផលិតកម្មសត្វ បានគូសបញ្ជាក់ថា ដោយសារវិបត្តិនៃការរីករាលដាលនៃជំងឺកូវីដ១៩ ខ្លាំងក្លា ប្រទេសជិតខាងរបស់យើងបានបាត់បង់ទីផ្សារក្នុងស្រុករបស់ខ្លួន ហើយបានធ្វើឱ្យមានការកកស្ទះនូវ ផលិតផលសត្វទន្ទឹមនឹងនេះ ក៏មានឈ្មួញខិលខូចមួយចំនួនតូចបានប្រើប្រាស់កលល្បិចគ្រប់យ៉ាង ដើម្បីមានឱកាសយកផលិតផលកកស្ទះពីស្រុកគេមកចាក់នៅកម្ពុជាដោយមិនបានគិតពីការប៉ះពាល់ដល់ការខាតបង់របស់អ្នកវិនិយោគនៅកម្ពុជា និងពីសុខភាពសាធារណៈឡើយ។
អគ្គនាយកដ្ឋានសុខភាពសត្វបន្ដថា«បើទោះបីជាកម្ពុជាយើងបានរងផលប៉ះពាល់ដោយវិបត្តិកូវីដក៏ដោយ ក៏ការផ្គត់ផ្គង់ជ្រូកសាច់រស់នៅក្នុងស្រុកបានរហូតដល់៨៥%អាចធានាបាននូវតម្រូវការទីផ្សារមិនមានបញ្ហាចោទឡើយ»។
អគ្គនាយកដ្ឋានសុខភាពសត្វ បានបន្តទៀតថា ថ្លៃដើមផលិតជ្រូកសាច់បានប្រែប្រួលក្នុងរង្វង់ពី ៧,៥០០រៀលទៅ ៩,០០០រៀល ក្នុង១គីឡូក្រាម មុនវិបត្តិកូវីដ-១៩ ហើយបច្ចុប្បន្នថ្លៃដើមផលិតជ្រូកសាច់រស់បានកើនឡើងប្រមាណពី ១០,៥០០រៀល ទៅ១២ ,០០០រៀល ក្នុងមួយគីឡូក្រាម។ ការប្រែប្រួលថ្លៃដើមផលិតជ្រូកសាច់នេះ ដោយសារតម្លៃវត្ថុធាតុដើមដូចជា ពោត ដំឡូងក្រៀម កាកសណ្ដែកសៀង ម្សៅត្រី និងសារធាតុបន្ថែមសម្រាប់ផ្សំ ចំណីសត្វបានកើនឡើង ប្រមាណពី២០ទៅ៣០%។ដោយឡែកតម្លៃដឹកជញ្ជូនតាមផ្លូវទឹកកើនឡើងប្រមាណ៣ដង ។
ម្យ៉ាងទៀតកូនជ្រូកពូជសាច់ក៏បានឡើងថ្លៃពី ៧០ ទៅ ១០០ដុល្លារ ក្នុងមួយក្បាលព្រមទាំងការចំណាយបន្ថែមលើការលើកកម្ពស់ជីវសុវត្ថិភាព នៅកន្លែងចិញ្ចឹមសត្វដើម្បីការពារជំងឺឆ្លងសត្វ ជាពិសេសជំងឺប៉េស្តជ្រូកអាហ្វ្រិក(ការបាញ់ថ្នាំសម្លាប់មេរោគ ការប្រើប្រាស់ជំនាញបន្ថែម)។
អគ្គនាយកដ្ឋាន សុខភាពសត្វ បញ្ជាក់ទៀតថា បើទោះបីកម្ពុជាកំពុងស្ថិតក្នុងស្ថានភាព ជួបវិបត្តិសកល ជំងឺកូវីដ-១៩ ក៏តម្លៃជ្រូករស់ក្នុងស្រុកមិនមានការប្រែប្រួល ខ្លាំងនោះឡើយ គឺស្ថិតនៅក្នុងចន្លោះពី ១២ ,៥០០រៀល ទៅ ១៣,៦០០ រៀល ក្នុង១គីឡូក្រាម អាស្រ័យទៅតាម តំបន់នីមួយៗ ហើយតម្លៃជ្រូកសាច់នាំចូលបានលក់ថោកជាងចន្លោះពី ១០០រៀល ទៅ២០០រៀល ក្នុងមួយគីឡូក្រាម ពីជ្រូកសាច់រស់ក្នុងស្រុក ។ ចំពោះតម្លៃសាច់ជ្រូកនៅលើទីផ្សារបានប្រែប្រួល ចន្លោះពី ២៣ ,៥០០រៀល ទៅ ២៦,៣០០រៀលក្នុងមួយគីឡូក្រាម។
គួរបញ្ជាក់ថា បច្ចុប្បន្ននេះមានតែក្រុមហ៊ុនចំនួន៦ប៉ុណ្ណោះ ដែលកំពុងទទួលបានគោលការណ៍នាំជ្រូករស់ចូលមកក្នុងប្រទេសកម្ពុជានិងមានចំនួន៤ ក្រុមហ៊ុនទទួលគោលការណ៍នាំឆ្លងកាត់៕
អត្ថបទ ៖ សំអឿន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ