ព័ត៌មានជាតិ

ដាក់លុយក្លែងក្លាយជិត២០លាន ដើរចាយតាមខេត្ត សមត្ថកិច្ចឆែកមើលឃើញសុទ្ធតែក្រដាស៥ម៉ឺន និង១ម៉ឺនរៀល

បានផុស

៤ years មុន

នៅ

ថ្ងៃអង្គារ ២០ កក្កដា ២០២១

ដោយ

វរសេនីយ៍ឯក ឯក ស៊ុនអេង អធិការស្រុកស្វាយលើបានប្រាប់កម្ពុជាថ្មីឲ្យដឹងថា នៅវេលាម៉ោង១៤និង៣០នាទី ថ្ងៃទី១៩ ខែកក្កដា ឆ្នាំ២០២១នេះ សមត្ថកិច្ចស្រុកស្វាយលើ បានធ្វើការឃាត់ខ្លួនជនសង្ស័យស្រី ប្រុស២នាក់ ដែលចរាចរណ៍ក្រដាស់ប្រាក់ក្លែងក្លាយ នៅលើទឹកដីនៃស្រុកស្វាយលើ។

លោកវរសេនីយ៍ឯក បានបញ្ចាក់ថា ជនសង្ស័យមានឈ្មោះ ១.ឈ្មោះ រ៉េត ពន្លក ភេទប្រុស អាយុ៣១ឆ្នាំរស់នៅភូមិបាខម ឃុំសំពងជ័យ ស្រុកជើងព្រៃ ខេត្តកំពង់ចាម មុខរបរមិនពិតប្រាកដ។ ២.ឈ្មោះ លឹម ឡៃហ៊ាង ភេទស្រី អាយុ២៦ឆ្នាំ ទីលំនៅភូមិបាខម ឃុំសំពងជ័យ ស្រុកជើងព្រៃ ខេត្តកំពង់ចាម មុខរបរមិនពិតប្រាកដ ពាក់ព័ន្ធករណីចរាចរណ៍នូវរូបិយវត្ថុ និងរូបិយប័ណ្ណក្លែងក្លាយ កាលពីវេលាម៉ោង១៣និង៣០នាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយទទួលបណ្តឹងពីប្រជាពលរដ្ឋ សមត្ថកិច្ច បានចុះធ្វើការស្រាវជ្រាវរហូតឈានដល់ការឃាត់ខ្លួនបាន ដែលជនសង្ស័យទាំង០២នាក់ កំពុងធ្វើសកម្មភាព ហើយបើតាមចំម្លើយសារភាពរបស់ជនសង្ស័យខាងលើបានសារភាពថា ពួកខ្លួនបានធ្វើសកម្មភាពជិះម៉ូតូមកពីខេត្តព្រះវិហារ មកកាន់ខេត្តសៀមរាប ឆ្លងកាត់តាមផ្លូវជាតិលេខ៦៤ ដោយនាំយកក្រដាសប្រាក់ ក្លែងក្លាយ(ក្រដាសប្រាក់៥០០០០រៀលនិង១០០០០រៀល) មកចាយ នៅក្នុងភូមិសាស្ត្រឃុំស្វាយលើ ស្រុកស្វាយលើ។

ក្រោយធ្វើការឃាតខ្លួនសមត្ថកិច្ចបានឆែកឆេរកាបូបជនសង្ស័យ រកឃើញក្រដាសប្រាក់ក្លែងក្លាយចំនួន១៥,៧០០,០០០៛(ដប់ប្រាំលានប្រាំពីរសែនរៀល) ក្នុងនោះក្រដាស៥០០០០រៀល ចំនួន១៣,៩០០,០០០៛(ដប់បីលានប្រាំបួនសែនរៀល) ក្រដាស១០០០០រៀលចំនួន១,៨០០,០០០៛(មួយលានប្រាំបីសែនរៀល) និងប្រាក់រៀល (ប្រាក់សុទ្ធ)មួយចំនួន។ ក្រៅពីនោះឃើញមានអត្តសញ្ញាណប័ណ្ណ កាតធនាគារប័ណ្ណបើកបរ ទូរស័ព្ទដៃ កាតទូរស័ព្ទmetfone និងកាតទូរស័ព្ទsmart មួយចំនួនទៀត។

បច្ចុប្បន្នជនសង្ស័យទាំង០២នាក់ ត្រូវបានសមត្ថកិច្ចកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់៕

អត្ថបទ ៖ គឿនវេត