ព័ត៌មានជាតិ

ការធ្វើដំណើរចេញចូលតាមព្រំដែនកម្ពុជា-វៀតណាម ផ្អាកទាំងស្រុង តែពាណិជ្ជកម្មនៅតែបន្តអនុវត្ត

បានផុស

៤ years មុន

នៅ

ថ្ងៃអង្គារ ២០ កក្កដា ២០២១

ដោយ

រាជរដ្ឋាភិបាលកម្ពុជា បានផ្អាកជាបណ្ដោះអាសន្នចំពោះការធ្វើដំណើរចេញចូលឆ្លងកាត់ព្រំដែនកម្ពុជា-វៀតណាម ដើម្បីទប់ស្កាត់ការឆ្លងរាលដាលជំងឺកូវីដ-១៩។

ការផ្អាកជាបណ្ដោះអាសន្នសម្រាប់ការធ្វើដំណើរចេញចូលឆ្លងកាត់ព្រំដែនកម្ពុជា-វៀតណាមនេះ ធ្វើឡើងចំពោះកម្មករជំនាញ អ្នកបច្ចេកទេស និងបុគ្គលិកក្រុមហ៊ុននានារបស់វៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែលើកលែងចំពោះអ្នកជំងឺដែលត្រូវទៅព្យាបាលជំងឺនៅប្រទេសវៀតណាម អ្នកការទូត មន្ត្រីរាជការ ដែលមានបេសកកម្ម តបការអញ្ជើញរបស់អាជ្ញាធរនៃប្រទេសទាំងពីរ ដូចជា និស្សិត សិក្ខាកាម ដែលបានបញ្ចប់វគ្គសិក្សា ឬករណីមានការអនុញ្ញាតពិសេសពីរាជរដ្ឋាភិបាល។

ស្នងការនគរបាលខេត្តកណ្ដាល លោក ឈឿន សុចិត្រ ប្រាប់កម្ពុជាថ្មីនៅថ្ងៃអង្គារ៍នេះ យ៉ាងខ្លីថា “មិនមានការចេញ-ចូល អនុវត្តតាមបទបញ្ជារបស់ប្រមុខរបស់រដ្ឋាភិបាល បិទទាំងស្រុង បិទតាំងពីខែ ៣ ឆ្នាំ ២០២០”។

លិខិតរបស់ក្រសួងការបរទេស និងសហប្រតិបត្តិការអន្តរជាតិកម្ពុជា ចុះថ្ងៃទី១៣ ខែកក្កដា បញ្ជាក់ថា ការផ្អាកនេះមានរយៈពេល១ខែ និងអនុវត្តចាប់ពីថ្ងៃទី១៨ ខែកក្កដា ឆ្នាំ២០២១នេះទៅ។

ក្នុងលិខិតរបស់ក្រសួងការបរទេស និងសហប្រតិបត្តិការអន្តរជាតិកម្ពុជា ចុះថ្ងៃទី១៣ ខែកក្កដា ឆ្នាំ២០២១ ផ្ញើទៅឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម បានលើកឡើងថា ការផ្អាកជាបណ្ដោះអាសន្នសម្រាប់ការធ្វើដំណើរចេញចូលឆ្លងកាត់ព្រំដែនកម្ពុជា-វៀតណាមនេះ ធ្វើឡើងចំពោះកម្មករជំនាញ អ្នកបច្ចេកទេស និងបុគ្គលិកក្រុមហ៊ុននានារបស់វៀតណាម។

ប៉ុន្តែការផ្អាកនេះក៏មានការលើកលែងចំពោះអ្នកជំងឺដែលត្រូវទៅព្យាបាលជំងឺនៅប្រទេសវៀតណាម អ្នកការទូត មន្ត្រីរាជការ ដែលមានបេសកកម្ម តបការអញ្ជើញរបស់អាជ្ញាធរនៃប្រទេសទាំងពីរ ដូចជា និស្សិត សិក្ខាកាម ដែលបានបញ្ចប់វគ្គសិក្សា ឬករណីមានការអនុញ្ញាតពិសេសពីរាជរដ្ឋាភិបាល។

យ៉ាងណាក៏ដោយ ចំពោះការដឹកជញ្ជូនទំនិញឆ្លងកាត់ព្រំដែនរួមរវាងប្រទេសទាំងពីរ នៅតែបន្ត ហើយអាចអនុវត្តដោយគ្មានការរាំងស្ទះនោះដែរ៕ ដោយៈ ឡេង ដេត