ព័ត៌មានជាតិ

ដីព្រៃលិចទឹករបស់សហគមន៍នេសាទភូមិកំពង់អួរជាង១១ហិកតា ត្រូវគេលួចឈូសឆាយយកជាកម្ម សិទ្ធិមន្ត្រីជំនាញខាងថានឹងស្រាវ ជ្រាវរកជនល្មើសកសាងសំណុំរឿងចាត់ការតាមច្បាប់

បានផុស

៤ years មុន

នៅ

ថ្ងៃអង្គារ ២០ កក្កដា ២០២១

ដោយ

កំពង់ឆ្នាំង ៖ ប្រជាពលរដ្ឋ នៅក្នុងភូមិកំពង់អួរ ឃុំឃុនរ៉ង ស្រុកបរិបូណ៌បានឲ្យដឹងថា ដីព្រៃលិចទឹកតំបន់៣ ដែលគ្រប់គ្រងដោយសហគមន៍នេសាទភូមិកំពង់អួរជាង ៣០ហិកតា ក្នុងពេលថ្មីៗនេះ ត្រូវបានជនល្មើសលួចឈូសឆាយនៅពេលយប់ដើម្បីទន្ទ្រានយកធ្វើជាកម្មសិទ្ធិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះ លោក តាត សីហៈ នាយផ្នែករដ្ឋបាលជលផលផ្សារឆ្នាំងជាអ្នកគ្រប់គ្រងដែនសមត្ថកិច្ចខាងលើនេះបាននិយាយតាមទូរសព្ទឱ្យដឹងនៅរសៀលថ្ងៃទី ២០ ខែកក្កដា នេះថា ពេលទទួលបានការណែនាំពីលោកនាយខណ្ឌរដ្ឋបាលជលផលកំពង់ឆ្នាំងទាក់ទងនឹងបទល្មើសខាងលើនេះ លោកក៏បានដឹកនាំកម្លាំងសមត្ថកិច្ចជំនាញចុះទៅពិ និត្យស្រាវជ្រាវ ជាលទ្ធផលពិនិត្យឃើញមានការឈូសឆាយដីព្រៃថ្មីនៅចំណុចខាងលើនេះ តែជាង ១១ ហិកតា ប៉ុណ្ណោះ ចំណែកប្រ មាណ ២០ ហិកតាទៀតគឺជាដីចាស់ ។ករ ណីនេះជំនាញកំពុងស្រាវជ្រាវ ស្វែង រកមុខសញ្ញាជនល្មើសដើម្បីកសាងសំណុំរឿងចាត់ការតាមនីតិវិធី ។

ដោយឡែកក្នុងករណីនេះប្រជាពលរដ្ឋក៏បានរិះគន់ផងដែរថាកន្លង មកគេពុំដែលឃើញសមត្ថកិច្ចជំនាញចាត់ការជនល្មើសដែលលួចឈូសឆាយដីព្រៃលិចទឹករបស់រដ្ឋនោះបានឡើយ ។ ហើយករណីលួចឈូសឆាយដីព្រៃលិចទឹករបស់រដ្ឋយកធ្វើជាកម្មសិទ្ធិចេះតែកើនឡើងជាលំដាប់ ។ ដូចនេះបើមន្ត្រីជំនាញចាត់ការជនល្មើសបានគ្រប់បទល្មើ សនៅគ្រប់ទីកន្លែងនោះ ពិតជាពុំមានបទល្មើសដូចខាងលើនេះកើត ឡើងទៀតឡើយ៕

ដោយ ៖ ឈៀង ថារិទ្ធ