ព័ត៌មានជាតិ

ខេត្តបាត់ដំបង មានអ្នកស្លាប់កើនដល់២២នាក់ និងមានអ្នកឆ្លងជំងឺកូវីដ ថ្មីចំនួន៦១នាក់គិតត្រឹមថ្ងៃទី២០ កក្កដា

បានផុស

៤ years មុន

នៅ

ថ្ងៃពុធ ២១ កក្កដា ២០២១

ដោយ

យោងតាមការប្រកាសព័ត៌មានរបស់រដ្ឋបាលខេត្តបាត់ដំបង នាយប់ថ្ងៃទី២០ ខែកក្កដា ឆ្នាំ២០២១នេះ បានបញ្ជាក់ថា រដ្ឋបាលខេត្តបានរកឃើញអ្នកឆ្លងជំងឺកូវីដ-១៩ បន្ថែមថ្មីចំនួន៦១នាក់ ដែលក្នុងនោះជាអ្នកពាក់ព័ន្ធនឹងព្រឹតិ្តការណ៍ សហគមន៍២០កុម្ភ: រីឯអ្នកជាសះស្បើយមានចំនួន១៨នាក់ និងមានអ្នកស្លាប់ម្នាក់បន្ថែមទៀតផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដែលទទួលបានគឺ រដ្ឋបាលខេត្តបានបង្ហាញតួលេខរួមអោយដឹងថា បើគិតមកទល់នឹងថ្ងៃទី២០ ខែកក្កដានេះ ខេត្តបាត់ដំបងមានអ្នកផ្ទុកមេរោគកូវីដ-១៩សរុបចំនួន ២,០៩០ នាក់ មានអ្នកជាសះ ស្បើយសរុបចំនួន ១,១៣០ នាក់ ស្លាប់បានកើនឡើងរហូតដល់ចំនួន២២នាក់ និងអ្នកដែលកំពុងសម្រាកព្យាបាលនៅក្នុងមន្ទីរពេទ្យបង្អែកខេត្តមានចំនួន៩៣៨នាក់៕

អត្ថបទ ៖ សោ និយមរ័ត្ន