ព័ត៌មានជាតិ

មន្ត្រី ក.ប.ប ខេត្តស្វាយរៀង រកឃើញទំនិញខូចគុណភាព និងអាល់កុលក្លែងក្លាយមួយចំនួន

បានផុស

៣ years មុន

នៅ

ថ្ងៃពុធ ២១ កក្កដា ២០២១

ដោយ

ដោយមានការណែនាំពីឯកឧត្តមប្រតិភូរាជរដ្ឋាភិបាលទទួលបន្ទុកអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៅថ្ងៃទី២១ ខែកក្កដា ឆ្នាំ២០២១ មន្ត្រីសាខា ក ប ប ខេត្តស្វាយរៀង ដឹកនាំដោយលោក ផឹង និល ប្រធានសាខា ក ប ប ខេត្ត បានសហការជាមួយមន្ទីរពាណិជ្ជកម្មខេត្តនិងអាជ្ញាធរដែនដី បានចុះត្រួតពិនិត្យទំនិញតាមឃ្លាំង ផលិតផលអាល់កុល និងតាមដានតម្លៃទំនិញ ( ជាពិសេសតម្លៃអាល់កុលស្លាកសញ្ញា តម្លៃម៉ាស់ ) នៅតាមបណ្ដាដេប៉ូ-ម៉ាត-ឃ្លាំងទំនិញ-ឪសថស្ថាន និងតាមស្ថានីយលក់ប្រេងឥន្ធនៈស្ថិតក្នុងក្រុងស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផឹង និល បានអោយដឹងថា មន្ត្រីជំនាញបានពិនិត្យទៅលើអាល់កុល ជែលលាងដៃ នៅតាមឪសថស្ថាន បានប្រើប្រាស់ឧបករណធ្វើ Test Kits (បឋម) ដើម្បីស្វែងរកអាល់កុលក្លែងក្លាយ និងទំញជាច្រើនមុខ ជាលទ្ធផលក្រោយការចុះអនុវត្តការងារ មន្ត្រីជំនាញបានរកឃើញទំនិញខូចគុណភាពនិងអាល់កុលក្លែងក្លាយដូចជា:

– អាល់កុល ក្លែងក្លាយ ចំនួន ១០០លីត្រ

– ទំនិញខូចគុណភាពចម្រុះ ចំនួន ១៥Kg

លោក ផឹង និល បានបន្តថា មន្ត្រីជំនាញបានធ្វើកំណត់ហេតុដកហូតទំនិញទាំងនោះ និងអាល់កុលក្លែងក្លាយ យកមករក្សាទុក និងយកទៅធ្វើការដុតកម្ទេចចោល ។ ជាពិសេសមន្ត្រីជំនាញ បានផ្សព្វផ្សាយប្រកាសអន្តរក្រសួងស្តីពី និតិវិធីពិន័យអន្តរការណ៍លើបទល្មើស និងច្បាប់ស្តីពី កិច្ចការពារអ្នកប្រើប្រាស់ជូនដល់អាជីវករតាម ដេប៉ូ និងបណ្តាស្ថានីយលក់ប្រេងឥន្ធនៈផងដែរ៕

អត្ថបទ ៖ ភក្ដី