ព័ត៌មានជាតិ

រថយន្តធនធំមួយគ្រឿងដឹកឈើផ្ទះចាស់លួចបង្កប់ឈើថ្មី ត្រូវសមត្ថកិច្ចធ្វើការបង្ក្រាប

បានផុស

៤ years មុន

នៅ

ថ្ងៃពុធ ២១ កក្កដា ២០២១

ដោយ

ចុះបង្ក្រាបករណីរថយន្តធនធំមួយគ្រឿង ដឹកឈើផ្ទះចាស់លួចបង្កប់ឈើថ្មី កាលពីថ្ងៃទី២០ ខែកក្កដា ឆ្នាំ២០២១ និងវាស់វែង ដើម្បីបញ្ជូនទៅរក្សាទុក នៅផ្នែករដ្ឋបាលព្រៃឈើ ស្រុកអន្លង់វែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី២១ ខែកក្ដដា ឆ្នាំ២០២១ កម្លាំងមូលដ្ឋានកងរាជអាវុធហត្ថស្រុកអន្លង់វែង ដឹកនាំដោយ លោក អនុសេនីយ៍ឯក ហើន សំបោន មេបញ្ជាការរង ស្រុកអន្លង់វែងចុះសហការជាមួយកម្លាំងផ្នែករដ្ឋបាលព្រៃឈើស្រុកអន្លង់វែងចំនួន០២នាក់ដឹកនាំ ដោយ លោក វុន វ៉ាន់ នាយរងផ្នែករដ្ឋបាលព្រៃឈើស្រុកអន្លង់វែង ចុះវាស់វែងឈើ ដែលចាប់កាលពីថ្ងៃទី២០ ខែកក្កដា ឆ្នាំ២០២១ រថយន្តចំនួន០១គ្រឿងម៉ាកHiNO ក្បាលខៀវលាយស ពាក់ស្លាកលេខ៣A.០៨៥៤ ស្វាយរៀង ដឹកឈើផ្ទះចាស់លួចបង្កប់ឈើថ្មី នៅចំណុចភូមិ អូរគូគីលើ ឃុំលំទង ស្រុកអន្លង់វែង ខេត្តឧត្តរមានជ័យ ដែលមានម្ចាស់ឈ្មោះ ឆន កៀន ភេទប្រុស អាយុ៤៧ឆ្នាំ រ ស់នៅភូមិខ្នារ ឃុំខ្នាសណ្តាយ ស្រុកបន្ទាយស្រី ខេត្តសៀមរាប។

លទ្ធផលបង្ក្រាបមានដូចជា៖ ១. ឈើផ្ទះចាស់ សសរចំនួន១៥ដើម =1,575 ម៉ែត្រគូប, ឈើគ្រឿង ចំនួន ៩១ដុំ=3,154ម៉ែត្រគូប, ២. ឈើថ្មី ក្តារក្រាល ចំនួន៦៨សន្លឹក=2,40ម៉ែត្រគូប, ឈើគ្រឿងខ្នាតចម្រុះចំនួន១៤២ដុំ=៨,០០៥៥ម៉ែត្រគូប, សរុបឈើទាំងចាស់និងថ្មី មានចំនួន១៥,១៨៤ ម៉ែត្រគូប។

បច្ចុប្បន្ន វត្ថុតាងខាងលើបានយកទៅរក្សាទុក នៅផ្នែករដ្ឋបាលព្រៃឈើ ស្រុកអន្លង់វែង ស្ថិតនៅក្នុងភូមិអូរតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យ ដើម្បីចាត់ការតាមនីតិវិធីច្បាប់ ៕

អត្ថបទ៖ ចាន់ ធី

Related Topics:ដឹកឈើខុសច្បាប់