Connect with us

ព័ត៌មានជាតិ

ត្រឹមរយៈពីរថ្ងៃលោកឧកញ៉ា ឡេង ប្រុស និងក្រុមគ្រួសារត្រកូល “ឡេង” បរិច្ចាគថវិកាជាង ៣ម៉ឺនដុល្លារ និងត្រីខប្រមាណ ១,៥០០កេស ក្នុងកិច្ចការមនុស្យធម៌​

បានផុស

នៅ

ឧកញ៉ា​ត្រកូល​«​ឡេង​»​ត្រូវបាន​មហា​ជន​ទូទៅ​ឱ្យ​រហស្សនាម​ថា​ ឧកញ៉ា​ចិត្តធម៌​ឬ​ឧកញ៉ា​បេះដូង​មនុស្សធម៌​។​ ជាក់ស្តែង​បងប្អូន​ត្រកូល​« ឡេង​»​តែង​បានធ្វើ​សកម្មភាព​មនុស្សធម៌​ជួយ​ដល់​ជន​ជួប​ការលំបាក​ ឬ​ទីទ័លក្រ​ហើយ​តែងតែ​ចូលរួម​ជាមួយ​រាជរដ្ឋាភិបាល​ក្នុងការ​ដោះស្រាយ​ការ​លំ​បាក​នានាៗ​របស់​ជាតិ​។​ កាយវិការ​មនុស្សធម៌នេះ​ធ្វើឱ្យមាន​ការកោតសរសើ​រ និង​ស្ញប់ស្ញែង​ជាខ្លាំង​ពី​មជ្ឈដ្ឋាន​ទូទៅ​នៅ​កម្ពុជា​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងត្រឹមរយៈពេលថ្ងៃលោកឧកញ៉ា ឡេង ប្រុស និងបងបង្អូនគ្រួសារត្រកូល “ឡេង” នាំយក ថវិកាចំនួន ៣ម៉ឺនដុល្លារ និងត្រីខចំនួន ១,៥០០កេស ដល់កាកបាទ ក្រហមកម្ពុជាសាខា ខេត្ត កណ្តាល និងក្រុមការងារចាក់វ៉ាក់សាំងបង្ការកូវីដរបស់យោធភូមិភាគទី៥ នៃក្រសួងការពារជាតិ។

ជាមួយគ្នានេះ លោកឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគ ៥ បានប្រកាសតាមរយៈទំព័រហ្វេសបុកនៅរសៀលថ្ងៃទី២២ ខែកក្កដានេះបាន ថ្លែងអំណរគុណ យ៉ាង​ជ្រោលជ្រៅ ដល់លោកឧកញ៉ា ឡេង ប្រុស និងលោកជំទាវ អគ្គនាយកក្រុមហ៊ុន ណាវ៉ាត្រា​ខ្នាតយក្ស ដែលបានជួយឧបត្ថម្ភត្រីខកំប៉ុងចំនួន ៥០០កេស និងថវិកា ៤០.០០០.០០០រៀល (១ម៉ឺនដុល្លារអាមេរិក) ដល់ក្រុមការងារចាក់វ៉ាក់សាំងរបស់យោធភូមិភាគទី៥។

លោកឧត្តមសេនីយ៍ទោ សេង ធារិន បានថ្លែងថា ជួសមុខអោយឯកឧត្តម មេបញ្ជាការ​យោធ​ភូមិភាគទី៥ ក្នុងនាមខ្ញុំបាទ ប្រធានក្រុមការងារចាក់វ៉ាក់សាំង កូវីដ-១៩ សូមថ្លែងអំណរគុណ​យ៉ាង​ជ្រាលជ្រៅ ដល់ឧកញ៉ា ឡេង ប្រុស និងលោកជំទាវ សូមជូនពរលោកឧកញ៉ា និងលោកជំទាវ បុត្រា បុត្រី មានសុខភាពល្អ ជោគជ័យការងារ និងជួបប្រទះ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ដោយឡែកនៅថ្ងៃទី២១ ខែកក្កដាម្សិលមិញ លោកឧកញ៉ា ឡេង ប្រុស និងលោកជំទាវ និង​ក្រុម​គ្រួសារត្រកូល “ឡេង” ដែលបានចូលរួមឧបត្ថម្ភថវិកាចំនួន ១០០,០០០,០០០រៀល (២៥,០០០​ដុល្លារ) ​និងត្រីខកំប៉ុងចំនួន១,០០០កេស ប្រគល់ជូនសាខាកាកបាទក្រហមកម្ពុជាខេត្តកណ្ដាល ដើម្បីចូលរួមចំណែកទ្រទ្រង់ដល់សកម្មភាពមនុស្សធម៌របស់កាកបាទក្រហមកម្ពុជា។

លោក គង់ សោភ័ណ្ឌ អភិបាលខេត្តកណ្តាល និងជាប្រធានគណៈកម្មាធិការសាខាកាក​បាទក្រហម​កម្ពុជាខេត្ត ក៏បានថ្លែងអំណរគុណដល់លោកឧកញ៉ា និងលោកជំទាវ ក្នុងការបបរិច្ចាគថវិកា និង​សម្ភារៈ​ដែលបានផ្ដល់ជូននៅពេលនេះ គឺពិតជាមានតម្លៃ និងឆ្លើយតបបានទាន់ពេលវេលា ក្នុង​កាលៈ​ទេសៈដែលខេត្តកណ្ដាល កំពុងប្រយុទ្ធប្រឆាំងនឹងជំងឺកូវីដ-១៩ ដែលបានរីករាលដាលនៅ​ទូទាំងខេត្តកណ្ដាល ដូច្នេះអំណោយទាំងអស់នេះ គឺពិតជាទាន់ពេលវេលា ក្នុងការជួយប្រជាពលរដ្ឋ ដែលកំពុងប្រឈមទៅនឹងការខ្វះស្បៀងអាហារផងដែរ។

សូមជម្រាបជូនថា ក្រុមគ្រួសារត្រកូល “ឡេង” មានលោកឧកញ៉ា ឡេង ប្រុស អ្នកឧកញ៉ា ឡេង ណាវ៉ាត្រា លោកឧកញ៉ា ឡេង និមល និងលោកជំទាវឧកញ៉ាវ័យក្មេង ឡេង បញ្ចពណ៌ ក្នុងឆ្នាំ​២០២១នេះ បានបរិច្ចាគធនធានសម្ភារៈ និងថវិកាជាច្រើនលានដុល្លារអាមេរិកក្នុងយុទ្ធនាការ​ប្រយុទ្ធប្រឆាំងកូវីដ-១៩ ជាមួយរាជរដ្ឋាភិបាល កាកបាទក្រហមកម្ពុជា សមាគម និងជនរងគ្រោះ​ដែល​ជួបបញ្ហានាពេលកន្លងមកជាហូរហែឥតដាច់ដូចភ្លៀងរលឹម។

កាយវិការនិងទឹកចិត្តដ៏សប្បុរសទាំងនេះ ពិតជាបានចូលរួមចំណែកយ៉ាងធំធេងមហិមារ និងសរបញ្ជាក់ឲ្យឃើញជាគំរូល្អប្រពៃក្នុងសង្គមដល់ជនជំនាន់ក្រោយៗបន្តទៀត៕

អត្ថបទ ៖ ចាន់​រ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១១ នាទីutes មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៦ នាទីutes មុន

កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម

ព័ត៌មានជាតិ៣១ នាទីutes មុន

១៧ ខេត្តក្នុង​ចំណោម ២៥ រាជធានីខេត្ត ​បញ្ចប់​ចុះ​​តាមដាន​ការ​អនុវត្ត​យានយន្តកែច្នៃខុសលក្ខណៈបច្ចេកទេស

ព័ត៌មានអន្ដរជាតិ៣៣ នាទីutes មុន

អ៊ីស្រាអែល​​សម្លាប់​មនុស្ស​ជិត ៩០០​នាក់ ចាប់​តាំង​ពី​​​លែង​អនុវត្ត​​បទ​ឈប់​បាញ់​នៅ​តំបន់ហ្គាហ្សា

ព័ត៌មានជាតិ៤៧ នាទីutes មុន

វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា

ព័ត៌មានអន្ដរជាតិ២០ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ២០ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ២០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ៤ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

Sokha Hotels

ព័ត៌មានពេញនិយម