ក្រុមការងារបន្តអនុវត្តភារកិច្ចរៀបចំផែនការអង្កេតរហ័ស លើកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារ

មន្ត្រីជំនាញរបស់នាយកដ្ឋានសុខមាលភាពសង្គមនៃក្រសួងសង្គមកិច្ចអតីតយុទ្ធជន និងយុវនីតិសម្បទាបានថ្លែងថា ក្រុមការងារបច្ចេកទេសបានបន្តអនុវត្តភារកិច្ចរៀបចំផែនការអង្កេតរហ័សលើកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំដោយផ្តោតលើអាហាររូបត្ថម្ភជូនដល់ជនបង្គោលកម្មវិធីរាជធានីខេត្តទាំង២៥តែម្ដង។

លោក ឈួរ សុបញ្ញា ប្រធាននាយកដ្ឋាន សុខុមាលភាពសង្គម នៃអគ្គបច្ចេកទេស ក្រសួងសង្គមកិច្ចអតីតយុទ្ធជននិងយុវនិតីសម្បទាថ្លែងបែបនេះពេលសហការជាមួយអង្គការ UNICEF រៀបចំវគ្គបណ្ដុះបណ្ដាលតាមប្រព័ន្ធអនឡាញ Zoom ស្ដីពីការអង្កេតរហ័សលើកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំ។

ក្នុងកិច្ប្រជុំជាមួយអង្គការ UNICEFនៃការ រៀបចំវគ្គបណ្ដុះបណ្ដាលតាមប្រព័ន្ធអនឡា ញ Zoom ស្ដីពីការអង្កេតរហ័សលើកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំដោយផ្តោតលើអាហាររូបត្ថម្ភជូនដល់ជនបង្គោលកម្មវិធីរាជធានីខេត្តទាំង២៥ តែម្ដងដើម្បីសម្រួលសាច់ប្រាក់ជូនដល់ពួកគាត់ទាន់ពេលវេលាពិសេសផលប៉ះពាល់លើជីវភាពលំបាកដោយសារកូវីដ១៩នេះតែម្ដង។

លោក ឈួរ សុបញ្ញ្ញា ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសបានថ្លែងថា ក្រៅពីកិច្ចការអង្កេតរហ័សលើស្ត្រីមានផ្ទៃពោះនិងកុមារអាយុក្រោម២ឆ្នាំនោះក្រុមការងារក៍ដំណើរការអង្កេតរហ័សលើជនអាណាថា ជាហូរហែរផងដែរ។

ដោយឡែកគ្រួសារដែលមិនទាន់បានទទួលសាច់ប្រាក់ឧបត្ថម្ភពីរាជរដ្ឋាភិបាលដូចពត៏មានខាងលើសូមរួសរាន់មកទំនាក់ទំនងជាមួយអាជ្ញាធរមូលដ្ឋានដែលខ្លួនស្នាក់អាស្រ័យនោះដើម្បីទទួលបានអត្ថប្រយោជន៍ដែលរាជរដ្ឋាភិបាលបានផ្តល់បន្តជូនជៀសវាងភាពមិនប្រក្រតីណាមួយកើតឡើងដោយសារតែការខុសឈ្មោះឬអត្តសញ្ញាណណាមួយនោះ៕

អត្ថបទ ៖ វិមាន