ព័ត៌មានជាតិ

អាជ្ញាធរខេត្តកំពតពិភាក្សាពង្រឹងការពារសន្តិសុខ

បានផុស

៤ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

លោកឧត្ដមសេនីយ៍ឯក ឌី វិជ្ជា អគ្គស្នងការរង នគរបាលជាតិ បានជំរុញដល់បណ្ដាស្នងការ នៃខេត្តជាប់មាត់សមុទ្រ ឲ្យពង្រឹងការងារសន្តិសុខឲ្យបានល្អ។

នៅក្នុងកិច្ចពិភាក្សានាព្រឺកថ្ងៃទី២៣ ខែវិច្ឆិកា ឆ្នាំ២០២០ ដែលធ្វើឡើងនៅខេត្តកំពត លោកឧត្ដមសេនីយ៍ឯក ឌី វិជ្ជា អគ្គស្នងការរង នគរបាលជាតិ បានមានប្រសាសន៍លើកឡើងដោយផ្ដោតសំខាន់លើបេសកកម្ម ត្រួតពិនិត្យ និងពង្រឹងការងារសន្តិសុខសណ្ដាប់ធ្នាប់ និងរបៀបរៀបរយសង្គមតាមបណ្ដាខេត្តជាប់ព្រំដែនសមុទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ឯក បានជម្រាបអំពីគោលបំណងបេសកកម្ម និងបទពិសោធន៍ ដែលបានអនុវត្តន៍កន្លងមកក្នុងខេត្តកោះកុង និងខេត្តព្រះសីហនុ ជូនអភិបាលខេត្តកំពត ផងដែរ ដើម្បីធ្វើយ៉ាងណាឲ្យដំណើរការបេសកកម្មរបស់គណៈប្រតិភូទទួលបានជោគជ័យ និងមានប្រសិទ្ធិភាពខ្ពស់។

លោក ជាវ តាយ អភិបាលខេត្តកំពត បានជម្រាបអំពីស្ថានភាពភូមិសាស្ត្រ សន្តិសុខសណ្ដាប់ធ្នាប់ និងស្ថានភាពនយោបាយ ក្នុងខេត្ត ដែលកើតមានកន្លងមក និងការអនុវត្តការងាររបស់រដ្ឋបាលខេត្ត និងស្នងការដ្ឋាន នគរបាលខេត្ត ជូនគណៈប្រតិភូ។

ជាមួយគ្នានោះ លោកអភិបាលខេត្ត ក៏បានថ្លែងអំណរគុណចំពោះគណៈប្រតិភូ និង លោក ឌី វិជ្ជា ដែលបានខិតខំលើការងារបំពេញបេសកកម្មនេះ ដែលជាចលករមួយជួយជំរុញ និងពង្រឹងប្រសិទ្ធិភាពក្នុងការងារកំណត់ និងឈានទៅបង្ក្រាបបទល្មើសចំមុខសញ្ញា៕

អត្ថបទ ៖ សេង ណារិទ្ធ