ព័ត៌មានជាតិ

មិនថមថយទេ ខេត្តឧត្ដរមានជ័យ រកឃើញអ្នកឆ្លងកូវីដថ្មីជិត២០០នាក់បន្ថែមទៀត

បានផុស

៤ years មុន

នៅ

ថ្ងៃសុក្រ ២៣ កក្កដា ២០២១

ដោយ

រដ្ឋបាលខេត្តឧត្តរមានជ័យ នៅថ្ងៃទី២២ ខែកក្កដា ឆ្នាំ២០២១ បានរកឃើញករណីវិជ្ជមានកូវីដ-១៩ចំនួន១៩៤ករណីបន្ថែមទៀត និងជាសះស្បើយ៣៣នាក់ និងស្លាប់ម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមម៉ោង១៧និង៣០នាទី ថ្ងៃទី២២ ខែកក្កដា ឆ្នាំ២០២១នេះ ខេត្តឧត្តរមានជ័យ មានអ្នកវិជ្ជមានជំងឺកូវីដ១៩ ចំនួន៣,៤៨៧ករណី ក្នុងនោះករណីនាំចូលពីក្រៅប្រទេសចំនួន៣,២៣២ករណី និងករណីឆ្លងក្នុងសហគមន៍២០កុម្ភៈ ចំនួន២៥៥ករណី និងបានព្យាបាលជាសះស្បើយចំនួន៦២២នាក់ កំពុងសម្រាកព្យាបាលចំនួន២,៤៥៧នាក់ និងស្លាប់ចំនួន០៨នាក់។

អាស្រ័យដូចបានជម្រាបជូនខាងលើ សូមសាធារណជននិងបងប្អូនប្រជាពលរដ្ឋបន្តចូលរួមអនុវត្តឲ្យបានម៉ឺងម៉ាត់នូវវិធានការនានា របស់ក្រសួងសុខាភិបាលនិងវិធានការ៣ការពារ ត្រូវពាក់ម៉ាស់ត្រូវលាងដៃជាមួយសាប៊ូឬជែលនិងត្រូវរក្សាគម្លាតសុវត្ថិភាព ៣.កុំ: កុំចូលទៅកន្លែងបិទជិតគ្មានខ្យល់ចេញ ចូល កុំទៅកន្លែងមានមនុស្សច្រើនកុះករនិងកុំប៉ះពាល់គ្នា.ស្របតាមអនុសាសន៍ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី៕

អត្ថបទ ៖ ចាន់ ធី