កីឡាដ្ឋានលំដាប់អន្តរជាតិប្រចាំខេត្តកំពង់ស្ពឺ នឹងសាងសង់រួចរាល់នៅខែមេសា ឆ្នាំក្រោយ

កីឡាដ្ឋានស្តង់ដាអន្តរជាតិ ដែលសាងសង់លើផ្ទៃដីប្រមាណ៤ ហិកតា ស្ថិតនៅក្នុងភូមិតាម៉ុល សង្កាត់ច្បារ​មន ក្រុងច្បារមន ខេត្តកំពង់ស្ពឺ នឹងបញ្ចប់គម្រោងសាងសង់នៅខែមេសា ឆ្នាំ ២០២២ ខាងមុខឆាប់ៗនេះ។

គម្រោងសាងសង់កីឡដ្ឋានលំដាប់អន្តរជាតិប្រចាំនៅក្នុងខេត្តកំពង់ស្ពឺ មានតម្លៃជាង ២ លានដុល្លារ បាន​ចាប់ផ្ដើម​ដំណើរការសាងសង់​កាលពីដំណាច់ឆ្នាំ២០២១៩។

លោក វ៉ី សំណាង អភិបាលខេត្តកំពង់ស្ពឺ បានប្រាប់ឱ្យដឹងនៅលើផេកផ្លូវការរបស់លោក នៅថ្ងៃទី ២៣ ខែកក្កដានេះថា “ក្មួយៗដែលស្រឡាញ់វិស័យកីឡាបាល់ទាត់ បានត្រៀមខ្លួនរួចឬនៅ? យ៉ាង​យូរខែមេសា ឆ្នាំ ២០២២ ខាងមុខ យើងនឹងបានស្តាតដ៏ល្អនេះនៅក្នុងទឹកដីខេត្តកំពង់ស្ពឺរបស់​យើងជាក់ជាមិនខាន”។

គម្រោងសាងសង់កីឡដ្ឋានលំដាប់អន្តរជាតិប្រចាំនៅក្នុងទឹកដីខេត្តកំពង់ស្ពឺ ត្រូវបានបើកការដ្ឋានសាងសង់​ជាផ្លូវការកាលពីថ្ងៃទី១៥ ខែធ្នូ ឆ្នាំ២០១៩។

គម្រោងកីឡដ្ឋានដែលមានតម្លៃជាង២លានដុល្លារមួយនេះ គ្រោងនឹងធ្វើជាម្ចាស់ផ្ទះនៃកីឡាស៊ីហ្គេម នៅឆ្នាំ២០២៣ខាងមុខនេះ៕