ព័ត៌មានជាតិ

ក្នុងចំណោមកម្មកររោងចក្រ៣៥៤នាក់ រកឃើញវិជ្ជមាន៤នាក់ ដែលពាក់ព័ន្ធនឹងរោងចក្រជីជី

បានផុស

៤ years មុន

នៅ

ថ្ងៃសុក្រ ២៣ កក្កដា ២០២១

ដោយ

នៅព្រឹកថ្ងៃទី២៣ ខែកក្តដា ឆ្នាំ២០២១ ក្រុមគ្រូពេទ្យស្ម័គ្រចិត្តសម្តេចតេជោ (TYDA)បានសហការជាមួយក្រុមការងារសាលាសង្កាត់ចោមចៅទី៣ ដឹកនាំដោយលោក វ៉ា សាវឿន ចៅសង្កាត់បានចុះយកសំណាកកម្មករកម្មការិនីរោងចក្រ ដែលស្នាក់នៅបន្ទប់ក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ជាលើកទី២ ជាលទ្ធផលរកឃើញអ្នកវិជ្ជមានចំនួន៤នាក់ ក្នុងចំណោមមនុស្ស៣៥៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី៣ បានឱ្យដឹងថា កម្មករកម្មការិនីខាងលើបានជាប់ពាក់ព័ន្ធជាមួយរោងចក្រជីជី ដែលស្ថិតនៅផ្លូវជាតិលេខ៤ មុខសាលាក្តីខ្មែរក្រហម ក្នុងសង្កាត់កន្ទោក ខណ្ឌកំបូល ហើយបានមកស្នាក់នៅបន្ទប់ជួលក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។

លោកបានបញ្ជាក់ថា កាលពីថ្ងៃទី០៧ ខែកក្កដា ឆ្នាំ២០២១ ក្រុមគ្រូពេទ្យបានចុះយកសំណាកជាលើកទី១ បានរងឃើញអ្នកវិជ្ជមានចំនួន១០នាក់ ក្នុងចំណោម១៣០នាក់។ រហូតមកដល់ថ្ងៃទី២៣ ខែកក្កដា ឆ្នាំ២០២១នេះ ក្រុមគ្រូពេទ្យបានចុះយកសំណាកជាលើកទី២ ក៏រកឃើញអ្នកវិជ្ជមានចំនួន៤នាក់បន្ថែមទៀត។

ក្នុងឱកាសនោះផងដែរលោក វ៉ា សាវឿន ចៅសង្កាត់ចោមចៅទី៣ សូមផ្ដាំផ្ញើដល់បងប្អូនទាំងអស់សូមប្រុងប្រយ័ត្ន ឱ្យបានខ្ពស់និងគោរពតាមការណែនាំរបស់រាជរដ្ឋាភិបាល រក្សា៣កុំ៣ការពារទាំងអស់គ្នា ដើម្បីជៀសផុតពីជំងឺកូវីដ១៩៕

អត្ថបទ៖ សុខា